حكومه‌تی هه‌رێم سه‌ركۆنه‌ی هێرشه‌كه‌ی نیوزله‌ندا ده‌كات

.

حكومه‌تی هه‌رێمی كوردستان له‌ راگه‌یه‌نراوێكدا كه‌ كۆپییه‌كی بۆ PUKmedia نێدراوه‌، سه‌ركۆنه‌ی هێرشه‌ تیرۆرستییه‌كه‌ی نیوزله‌ندا ده‌كات و  هیواشده‌خوازێت ئه‌نجامده‌رانی ئه‌و تاوانه‌ به‌سزای دادپه‌روه‌رانه‌ بگه‌یه‌نرێن.

سه‌فین دزه‌یی وته‌بێژی حكومه‌تی هه‌رێمی كوردستان رایگه‌یاند: حكومه‌تی هه‌رێمی كوردستان زۆر به‌ توندی سه‌ركۆنه‌ی ئه‌و هێرشه‌ تیرۆرستییه‌ دڕندانه‌یه‌ ده‌كات كه‌ ئه‌مڕۆ هه‌ینی له‌ نیووزیلاند كرایه‌ سه‌ر دوو مزگه‌وت و له‌ ئه‌نجامدا ده‌یان نوێژخوێن گیانیان له‌ده‌ستداو ده‌یانی دیكه‌ش برینداربوون.

حكومه‌تی هه‌رێمی كوردستان پرسه‌و سه‌ره‌خۆشی له‌ خانه‌واده‌ و كه‌سوكاری قوربانیان و گه‌ل و حكوومه‌تی نیوزیلاند ده‌كات و له‌م كاته‌ سه‌خته‌دا هاوسۆز هاوخه‌میانه‌.

 هیوادارین ئه‌نجامده‌رانی ئه‌و تاوانه‌ به‌سامه‌ به‌سزای دادپه‌روه‌رانه‌ بگه‌ن و له‌هیچ شوێنێك دیكه‌ كاره‌ساتی ئاوا دووباره‌ نه‌بنه‌وه‌.

PUKmedia راگه‌یاندنی حكومه‌تی هه‌رێمی كوردستان