ئه‌ڵمانیا پێویستی زیاتری به‌ده‌ستی كاره‌

.

له‌توێژینه‌وه‌یه‌كدا هاتووه‌ زیادبوونی رێژه‌ی له‌دایكبوون و ژماره‌ی ئه‌وكۆچبه‌رانه‌ی ڕویان له‌ئه‌ڵمانیاكردووه‌ به‌س نیه‌ بۆ كه‌مكردنه‌وه‌ی كاریگه‌ری له‌سه‌ر پیربوونی دانیشتوان و سیسته‌می دابینكردنی كۆمه‌ڵایه‌تی و تیایدا هاتووه‌ پێویسته‌ په‌له‌ بكرێت له‌تێكه‌ڵكردنی كۆچبه‌ران به‌بازاڕی كارو فراوانكردنی بواره‌كانی كاری ژنان.

لێكۆڵینه‌وه‌كه‌ كه‌دوو توێژه‌ر له‌سه‌ر داوای دامه‌زراوه‌ی"بیرتلسمان"ئاماده‌یان كردوه‌و دوێنێ 14 ئادار 2019  ئه‌نجامه‌كانیان ڕاگه‌یاندو تیایدا هاتووه‌، ته‌نانه‌ت زیادبوونی دیارده‌ی كۆچبه‌ری به‌شێوه‌یه‌كی دیار و زیادبوونی ڕێژه‌ی له‌دایكبوون به‌ته‌نیا له‌توانایدا نیه‌ كاریگه‌ری له‌سه‌ر سیسته‌می بیمه‌ی كۆمه‌ڵایه‌تی دابنێت.

ئاماده‌كارانی ئه‌و توێژینه‌وه‌یه‌ پێیانوایه‌ ده‌بێت هه‌ندێك ڕێوشوێنی نوێ بۆ ڕوبه‌روبونه‌وه‌ی كێشه‌كان بگیرێته‌به‌ر.

ئه‌و توێژه‌ره‌وانه‌ ئه‌وه‌شیان راگه‌یاندوه‌، گرنگه‌ زۆرێك له‌وانه‌ی ته‌مه‌نیان چۆته‌ پێشه‌وه‌ متمانه‌یان پێ ببه‌خشرێت له‌و سۆنگه‌یه‌وه‌ كه‌خاوه‌نی ئه‌زمونن و لانی كه‌م ده‌توانن كاربكه‌ن ئه‌مانه‌ش ده‌توانرێت به‌ گۆڕانكاریه‌كانیشیه‌وه‌ متمانه‌ بكرێته‌ سه‌ریان.

ئه‌و توێژه‌ره‌وانه‌ جه‌ختده‌كه‌نه‌وه‌ له‌وه‌ی پێویسته‌ په‌له‌بكرێت له‌خستنه‌گه‌ری ده‌ستی كرێكاری كۆچبه‌ر له‌بازاڕی كاری ئه‌ڵمانی دا به‌تایبه‌تی فراوانكردنی بواری كاركردنی ژنان، هۆشداریشیانداوه‌ ئه‌گه‌ر ئه‌و ڕێوشوینانه‌ نه‌گیرێته‌به‌ر بۆ به‌گه‌ڕخستنی تواناكان له‌ئه‌ڵمانیا ئه‌وا نه‌وه‌ی نوێی ئێستا ڕوبه‌ڕووی دواڕۆژێكی واده‌بێته‌وه‌ تا ئه‌و ڕاده‌یه‌ی كه‌ ئه‌گه‌ری ئه‌وه‌ بێته‌ پێش ململانێكان بۆ داپۆشینی كه‌موكوڕیه‌كان له‌نێوان گه‌نجه‌كان و به‌ساڵاچواندا مه‌ترسی دروستبكات.

ئه‌م دوو توێژه‌ره‌ له‌زانكۆی"بوخوم" له‌میانه‌ی توێژینه‌وه‌یه‌ك و چه‌ندین سیناریۆو ئه‌گه‌ری چاوه‌ڕوانكراودا گه‌شتنه‌ ئه‌گه‌ری ئه‌و بڕوایه‌ی كه‌پیربونی كۆمه‌ڵگه‌ی ئه‌ڵمانی ڕووی له‌زیاد بوونه‌.

PUKmedia شیهاب عوسمان/ ئه‌ڵمانیا

س: دۆیچه‌ڤیلله‌