مێردمنداڵێك له‌ماڵی مامی كۆتایی به‌ژیانی خۆی هێنا

.

شه‌وی رابردوو سه‌عات 11:00 ، ته‌رمی گه‌نجێك به‌ناوی ( ڕ،و،أ) ته‌مه‌ن 15 ساڵان، پیشه‌ی خوێندكار، ڕه‌گه‌زی نێر، دانیشتووی ڕانیه‌ گوندی ( بۆسكێن ) گه‌یه‌ندرایه‌ نه‌خۆشخانه‌ی گشتی ڕانیه‌ كه‌له‌ ماڵی مامی له‌رانیه‌ له‌گه‌ڕه‌كی ( ڕه‌شه‌مێرگ ) به‌ په‌ت خۆی هه‌ڵواسیووه‌ و به‌و هۆیه‌شه‌وه‌ گیانی له‌ده‌ستداوه‌.
 به‌ وته‌ی مامی برازاكه‌ی كێشه‌ی له‌گه‌ڵ هیچ كه‌سێكدا نه‌بووه‌.

به‌ڕێوه‌به‌رایه‌تی پۆلیسی راپه‌ڕین-یش له‌و باره‌یه‌وه‌ راگه‌یاندوه‌، پاش توێكاری بۆ ته‌رمه‌كه‌ی ئاسه‌واری برین به‌ ملیه‌وه‌ هه‌بووه‌و له‌ ئێستاشدا هۆكاری ڕووداوه‌كه‌ نادیاره‌، دوای گرتنه‌به‌ری ڕێوشوێنی یاسایی و ته‌ندروستی، ته‌رمه‌كه‌ی ڕاده‌ستی كه‌سوكاری كرایه‌وه‌.

مه‌له‌فی لێكۆڵینه‌وه‌ بۆ ڕووداوه‌كه‌ كراوه‌ته‌وه‌و بۆ ئه‌و مه‌به‌سته‌ش لێكۆڵینه‌وه‌ له‌سه‌ر هۆكاری راسته‌قینه‌ی روداوه‌كه‌ به‌رده‌وامه‌.

PUKmedia راگه‌یاندنی به‌ڕێوه‌به‌رایه‌تی پۆلیسی راپه‌ڕین