ده‌وامی وه‌زاره‌تی ته‌ندروستی زیاد ده‌كرێته‌وه‌

.

به‌پێی بڕیاری كۆبوونه‌وه‌ی ئه‌نجومه‌نی وه‌زاره‌تی ته‌ندروستی له‌دوای پشووه‌كانی نه‌ورۆزه‌وه‌ ده‌وامی نه‌خۆشخانه‌ و بنكه‌ پزیشكییه‌كان ده‌كرێته‌وه‌ به‌ شه‌ش رۆژ له‌هه‌فته‌یه‌كدا.

له‌و باره‌یه‌شه‌وه‌ د. خاڵس قادر وته‌بێژی وه‌زاره‌تی ته‌ندروستی حكومه‌تی هه‌رێمی كوردستان به‌ PUKmedia ی راگه‌یاند: له‌دوای لابردنی پاشكه‌وتی مووچه‌و دابه‌شكردنی هه‌موو 30 رۆژجارێك، ئه‌نجومه‌نی وه‌زاره‌ت بڕیاریدا كه‌ دوای پشووه‌كانی نه‌ورۆز ده‌وامی وه‌زاره‌ت ئاسایی بكاته‌وه‌.

وتیشی: پێویسته‌ نه‌خۆشخانه‌و بنكه‌ ته‌ندروستییه‌كان له‌هه‌فته‌یه‌كدا شه‌ش رۆژ ده‌وام بكه‌ن و دیوانی به‌ڕێوه‌به‌رایه‌تییه‌كانیش له‌هه‌فته‌یه‌كدا پێنج رۆژ ده‌وام بكه‌ن، به‌ڵام رۆژانه‌ سه‌عاتی ده‌وامی نه‌خۆشخانه‌و بنكه‌ ته‌ندروستییه‌كان یه‌ك سه‌عات كه‌مترده‌بێت له‌دیوانی به‌ڕێوه‌به‌رایه‌تییه‌كان.

PUKmedia دیار ستار