ته‌ندروستی: هێزه‌ ئه‌منییه‌كان سه‌لماندیان ئاسایشی سلێمانی پارێزراوه‌

.

به‌ڕێوه‌به‌ری گشتی ته‌ندروستی ده‌ڵێت: چه‌ند كارمه‌ندێك بۆ لێكۆڵینه‌وه‌ له‌لایه‌ن هێزه‌ ئه‌منییه‌كانه‌وه‌ بانگگراون.

د.سه‌باح هه‌ورامی به‌ڕێوه‌به‌ری ته‌ندروستی سلێمانی له‌كۆنفرانسێكی ڕۆژنامه‌نووسیدا سوپاسی دژه‌ تیرۆر و ئاسایش و پۆلیس و هێزه‌كانی ناوخۆ و ده‌زگای ئاسایش و زانیاری كرد كه‌ له‌ ماوه‌ی كه‌متر له‌ 15 سه‌عات توانیویانه‌ تاروانبارانی دزینی پاره‌ی كارمه‌ندانی نه‌خۆشخانه‌ی شار بدۆزنه‌وه‌.

وتیشی: هێزه‌ ئه‌منییه‌كان سه‌لماندیان كه‌ ئاسایشی سلێمانی پارێزراوه‌ و سوپاسی خۆراگری پزیشكان و كارمه‌ندانی نه‌خۆشخانه‌ی شاریشی كرد له‌ دوای دزینی مووچه‌كانیان ڕایانگه‌یاندووه‌ كه‌ ئاماده‌ن مووچه‌ وه‌رنه‌گرن هه‌تا ئه‌و كاته‌ی كه‌ مووچه‌كه‌یان ده‌دۆزرێته‌وه‌.

PUKmedia