قائیمقامی سلێمانی داوای لێبوردن له‌ هاووڵاتیان ده‌كات

.

قائیمقامی سلێمانی ده‌ڵێت: داوای لێبوردن له‌هاووڵاتیان ده‌كه‌ین كه‌ دوێنێ نیگه‌ران بوون پاش ئه‌وه‌ی كه‌ پاره‌ی نه‌خوشخانه‌ی شار دزرا.

له‌كۆنفرانسێكی ڕۆژنامه‌وانیدا ئاوات محه‌مه‌د قائیمقامی سلێمانی ڕایگه‌یاند: ئاماده‌كاری ته‌واو بۆ ڕۆژانی نه‌ورۆز كراوه‌ و سه‌رجه‌م شوێنه‌ گشتی و گه‌شتیارییه‌كان بۆ پێشوازی له‌گه‌شتیاران ئاماده‌كراوه‌ و ڕۆژی 20 ی مانگ چه‌ندین چالاكی هونه‌ری له‌شاری سلێمانی به‌ڕێوه‌ده‌چێت.

له‌به‌شێكی تری قسه‌كانیدا قائیمقامی سلێمانی سوپاسی هێزه‌ ئه‌منییه‌كانی شاری سلێمانی كرد كه‌ توانیان له‌ ماوه‌ی كه‌متر له‌ 15 سه‌عاتدا تاوانبارانی دزی مووچه‌ی فه‌رمانبه‌رانی نه‌خۆشخانه‌ی شار ده‌ستگیر بكه‌ن و پاره‌ دزراوه‌كه‌ بگه‌ڕێنه‌وه‌ بۆ خاوه‌نه‌كانیان.

ئاوات محه‌مه‌د وتیشی: داوای لێبوردن له‌ دانیشتوانی سلێمانی ده‌كه‌ین كه‌ دوێنێ نیگه‌ران بوون پاش ئه‌وه‌ی كه‌ پاره‌ی فه‌رمانبه‌رانی نه‌خۆشخانه‌ی شار له‌لایه‌ن چه‌ند كه‌سێكه‌وه‌ دزرا.

PUKmedia  تایبه‌ت