به‌ڤیدیۆ.. ده‌ستگیركردنی باندی دزینی پاره‌ی نه‌خۆشخانه‌ی شار

.

دره‌نگانێكی ئه‌مشه‌و ‌هێزه‌كانی دژه‌تیرۆر تۆمه‌تبارانی روورداوی دزین و رفاندنی پاره‌ی موچه‌ی كارمه‌ندانی نه‌خۆشخانه‌ی شاریان ده‌ستگیركرد و ده‌ستیشیانگرت به‌سه‌ر پاره‌ دزراوه‌كه‌ و ئه‌و ئۆتۆمبێله‌ش كه‌ تاوانه‌كه‌ی پێ ئه‌نجامدراوه‌.
 
له‌ ئۆپه‌راسیۆنیكی كه‌م وێنه‌دا و دوای  تێپه‌ربونی كه‌متر له‌ 24 سه‌عات به‌سه‌ر رووداوه‌كه‌دا، هێزه‌كانی دژه‌ تیرۆر، به‌ هاوكاری هێزه‌ ئه‌منیه‌كانی شاری سلێمانی  له‌ گه‌ران و به‌دواداچونێكی وورد و نه‌خشه‌بۆدارێژراو ، توانیان‌ چه‌ند تۆمه‌تبارێك ده‌ستگیربكه‌ن كه‌ پاره‌ی موچه‌ی كارمه‌ندانی نه‌خۆشخانه‌ی شاریان دزی له‌ سلێمانی.
 
 ئۆتۆمبێلێكی تر كه‌ توانراوه‌ ده‌ست به‌سه‌ر ئه‌و ئۆتۆمبێله‌شدابگیرێت و پاره‌كه‌ش بگه‌رێنرێته‌وه‌ كه‌ زیاتر له‌ یه‌ك ملیار دیناری موچه‌ی كارمه‌ندانی ئه‌و نه‌خۆشخانه‌یه‌یه‌.

PUKmedia