به‌ وێنه‌.. دۆزینه‌وه‌ی پاره‌ دزراوه‌كه‌ی نه‌خۆشخانه‌ی شار

.

له‌ ئۆپراسیۆنێكدا به‌ هه‌ماهه‌نگی هێزه‌كانی دژه‌ تیرۆرو ئاسایش و پۆلیسی سلێمانی، پاره‌ دزراوه‌كه‌ی نه‌خۆشخانه‌ی شار دۆزرایه‌وه‌و چه‌ند تۆمه‌تبارێكیش ده‌ستگیركران.

دوای تێپه‌ڕبوونی 12 سه‌عات توانرا مووچه‌ دزراوه‌كه‌ی نه‌خۆشخانه‌ی شار بدۆزرێته‌وه‌و بانده‌كه‌ش ده‌ستگیربكرێت.

پێشتریش قوباد تاڵه‌بانی جێگری سه‌رۆكی حكومه‌تی هه‌رێم، له‌وباره‌یه‌وه‌ ده‌زگا ئه‌منییه‌كانی شاری سلێمانی راسپارد كه‌ ئه‌وپه‌ڕی ھه‌وڵ و توانای خۆیان بخه‌نه‌ گه‌ڕ بۆ لێپێچنه‌وه‌ له‌ رفاندنی مووچه‌ی كارمه‌ندانی نه‌خۆشخانه‌ی شار و دۆزینه‌وه‌ی تاوانباران و رووبه‌رووكردنه‌وه‌یان له‌گه‌ڵ یاسا.

رۆژی سێشه‌ممه‌ چه‌ند چه‌كدارێك بڕی زیاتر له‌ یه‌ك ملیار دیناری مووچه‌ی كارمه‌ندانی نه‌خۆشخانه‌ی شاریان دزی، دواتر له‌ ئۆپراسیۆنێكی كه‌موێنه‌دا، دوای تێپه‌ڕبوونی 12 سه‌عات توانرا پاره‌ دزراوه‌كه‌ بدۆزرێته‌وه‌ و بانده‌كه‌ش ده‌ستگیربكرێن.

PUKmedia