پزیشكێك دەستپێشخەرییەكی جیاواز دەكات

.

لە دەستپێشخەرییەكدا دكتۆرێكی شاری سلێمانی ئامادەیی خۆی دەردەبڕێت بۆ بینینی سەرجەم ئەو نەخۆشانەی هەژارن و توانای سەردانیكردنی دكتۆری پسپۆڕیان نییە بەبێ بەرامبەر.

د.دێرێ لەتیف پسپۆریی نەخۆشییەكانی چاو   خاوەنی دكتۆرای سویدی و ئەوروپی لەنەشتەرگەری و نەخۆشییەكانی چاو بە PUKmedia ی راگەیاند: نزیكەی ماوەی 3 ساڵ دەبێت بڕیارێكی لەوجۆرەم داوە بە لەبەرچاوگرتنی باری دارایی هاوڵاتییان و قەیرانی دارایی.

وتیشی: لەراستیدا من پێم خۆشنییە ئەم بابەتە زۆر گەورە بكرێت چونكە ئەوەی من دەیكەم ئەركێكی مرۆچانە و نیشتمانی خۆمە و هەمیشە دەرگای عیادەكەم بەرووی هەموو ئەو هاووڵاتیانەدا كراوەیە كە كەم دەرامەتن و باری داراییان باش نییە.

د.دێرێ وتیشی: ئەوەی لەدەسەڵاتی مندایە وەرنەگرتنی پارەی بینینی نەخۆشەكەیە و بەبێ بەرامبەر دەیبینم، هیوادارم توانیبێتم ئەگەر خزمەتێكی كەمیش بێت بە خەڵكی نیشتمانەكەمم كردبێت.

PUKmedia  تاژاو محەمەد