هێرۆ ئیبراهیم ئەحمەد: الانصات المركزی سەرچاوەیەكی گرنگی زانیارییە

.

هێرۆ ئیبراهیم ئەحمەد بەبۆنەی بیست و پێنجەمین ساڵرۆژی دەرچوونی یەكەمین ژمارەی الانصات المركزییەوە پەیامێكی پیرۆزبایی ئاڕاستەی سەرنووسەر و ستافی هەواڵنامەكە دەكات.

دەقی پەیامەكە..

بەڕێزان سەرنوسەر و رۆژنامه‌نووس و كادیرانی بڵاوكراوەی(الانصات المركزی)

بەبۆنەی بیست و پێنجەمین ساڵڕۆژی دەرچوونی یەكەمین ژمارەی(الانصات المركزی)و لەیادی یۆبیلی زیوینی هه‌واڵنامه‌کەتان جوانترین پیرۆزبایی تان ئاڕاستە دەکەم و هیوادارین ئەم یادە هاندەربێت بۆ پێشكەوتن و بەرهەمی زیاتر و بەردەوام بونتان لەگەیاندنی زانیاری بۆ خوێنەران.

هه‌واڵنامه‌ی (الانصات المركزی)هەمیشە سەرچاوەیەكی گرنگی وەرگرتنی زانیارییە بەزمانی عەرەبی بۆ هەمووان، لەماوەی تەمەنیشیدا بە سەلیقە و دڵسۆزی و ماندوبوونی ستافە ماندونەناسەكەی، لەرووماڵی ته‌واوی رووداو و پێشهاته‌ گرنگه‌كانی كوردستان و عیراق و ناوچه‌كه‌ و جیهان، بەبڵاوکردنەوەی هەواڵ و راپۆرتی پڕ زانیاری پێگە و رۆڵی بەرچاوی هەبووە و شایستەی بەرزنرخاندن و شانازییە.

ئومێدەوارین ئەم هه‌واڵنامه‌یە لە ئاسمانی میدیای كوردستانیی و عیراقیدا هەر لە درەوشانەوە و سەرکەوتندا ببینین.

هێرۆ ئیبراهیم ئەحمەد

12ی 3ی 2019

PUKmedia  تایبەت