كۆسرەت رەسوڵ: الانصات المركزی وێستگەیەك بێت بۆ پەیامە جیاوازەكان

.

كۆسرەت رەسوڵ عەلی جێگری سكرتێری گشتیی یەكێتیی بەبۆنەی یوبیلی زیوینی دەرچوونی یەكەم رۆژنامەی الانصات المركزی پەیامێكی پیرۆزبایی ئاڕاستەی سەرنووسەر و ستافی هەواڵنامەكە دەكات.

دەقی پەیامەكە...

بەڕێزان سەرنووسەرو ستافی الانصات المركزی لە یۆبیلی زیوینی دەرچوونی یەكەم ژمارەی الانصات المركزی پیرۆزبایی گەرمی خۆمتان ئاراستە دەكەم و  هیوادارم بەردەوام بن لە خزمەتكردن.

‎بیست و پێنج ساڵ لەمەوبەر، لە سەردەمێكدا كە میدیای كوردی لەدوای ڕاپەڕین لە سەرەتای گەشەسەندنیدا بوو، ویستمان بڵاوكراوەیەكی كۆكراوەی میدیای عەرەبی لەبەردەست بێ و ڕۆژانە لەڕێگایەوە خوێنەرانی كوردستان ئاشنابن بە هەڵوێست و گۆڕانكارییەكانی ناوچەكە، ئەوەبوو الانصات المركزی لەدایك بوو و تا ئێستا بەردەوامە.
‎
ئەمڕۆ كە میدیا پێشكەوتنێكی بەرچاوی بەخۆوە دیوەو كەناڵەكانی ڕاگەیاندن ژمارەیان زیادی كردووە، پێویستە هەموو ئۆرگانە میدیاییەكان بەشێوازو ستایلی تازەوە بەردەوام بن و الانصات المركزی وەك هەمیشە ببێتە وێستگەیەك بۆ كۆكردنەوەی هەواڵ و پەیامە جیاوازەكان بەزمانی عەرەبی.
‎
جارێكی تر پیرۆزبایی گەرمتان ئاراستە دەكەم.

‎كۆسرەت ڕەسول عەلی

‎جێگری سكرتێری گشتی

‎یەكێتی نیشتمانی كوردستان

PUKmedia  تایبەت