بافڵ تاڵه‌بانی: به‌گرنگییه‌وه‌ له‌پێگه‌ی بنه‌ماڵه‌ی حه‌كیم ده‌ڕوانین

.

له‌ده‌باشان بافڵ تاڵه‌بانی چاویكه‌وت به‌ وه‌فدێكی ته‌یاری حیكمه‌ به‌سه‌رۆكایه‌تی سه‌ید سادق محه‌ممه‌د باقر حه‌كیم له‌ دیدارێكدا بیروڕایان ئاڵوگۆڕكرد له‌ باره‌ی دۆخی سیاسی ھه‌رێم و عێراق و پته‌وكردنی په‌یوه‌ندییه‌كانی نێوان ھه‌ولێر و به‌غدا و ته‌كیدكرایه‌وه‌ له‌ چاره‌سه‌ركردنی گرفته‌كان له‌ سه‌ر بنه‌مای ده‌ستوورو دیالۆك و به‌رژه‌وه‌ندی گشتی نیشتمانیی.

لای خۆیه‌وه‌ سه‌ید سادق محه‌ممه‌د باقر حه‌كیم باسی له‌ په‌یوه‌ندییه‌ له‌ مێژینه‌كانی كرد له‌گه‌ڵ سه‌رۆك مام جه‌لال كه‌ دۆستی دێرین و نزیكی بنه‌ماڵه‌ی شه‌ھید میحراب محه‌ممه‌د باقر حه‌كیم بووه‌ و رۆڵی گرنگ و به‌رچاوی گێڕاوه‌ له‌پێكه‌وه‌ژیانی ئاشتیانه‌ی نێوان پێكھاته‌كانی عێراق داو ده‌یانه‌وێت ئه‌و په‌یوه‌ندییه‌ مێژووییه‌ خێزانییه‌ش به‌رده‌وام بێت .

له‌به‌رامبه‌ردا بافڵ تاڵه‌بانی به‌ گرنگییه‌وه‌ له‌ پێگه‌ی بنه‌ماڵه‌ی حه‌كیمی روانیوو جه‌ختیكرده‌وه‌ كه‌ وه‌ك ھه‌میشه‌ درێژه‌ پێده‌ری سیاسه‌تی حه‌كیمانه‌ی ھه‌ڤاڵ مام جه‌لال ده‌بن بۆ پێكه‌وه‌ژیان و گیانی پێكه‌وه‌یی له‌ نێوان ھه‌موو نه‌ته‌وه‌و پێكھاته‌كاندا و كاریش بۆ دژایه‌تیكردنی بیری تایفی و مه‌زھه‌بی ده‌كه‌ن  و له‌سه‌ر  ھه‌مان رێباز ئه‌و په‌یوه‌ندییه‌ دۆستانه‌ زیندوده‌كه‌نه‌وه‌.

PUKmedia تایبه‌ت