كۆبوونه‌وه‌ی په‌رله‌مانی كوردستان گرژی تێده‌كه‌وێت

.

كۆبوونه‌وه‌ی په‌رله‌مانی كوردستان بێ به‌شداری فراكسیۆنی یه‌كێتی ئه‌نجامدرا.

له‌كۆبوونه‌وه‌كه‌دا راهی ره‌هبه‌ر سه‌ید ئیبراهیم له‌جێی قوباد تاڵه‌بانی سوێندنی یاسایی خواردو پاشان كارنامه‌ی كۆبوونه‌وه‌كه‌ كه‌ تایبه‌ته‌ به‌ ده‌نگدان له‌سه‌ر لیژنه‌ هه‌میشه‌ییه‌كانی په‌رله‌مان ده‌ستیپێكرد.

پاشان به‌هۆی دروستبوونی گرژییه‌وه‌ له‌نێوان ئه‌ندامی په‌رله‌مانی كوردستان له‌ فراكسیۆنی نه‌وه‌ی نوێ و سه‌رۆكایه‌تی په‌رله‌مانه‌وه‌ له‌لایه‌ن سه‌رۆكی په‌رله‌مانه‌وه‌ ئه‌ندامانی فراكسیۆنی نه‌وه‌ی نوێ كرانه‌ ده‌ره‌وه‌ی كۆبوونه‌وه‌كه‌.

فراكسیۆنی نه‌وه‌ی نوێ ئاماژه‌ بۆ ئه‌وه‌ده‌كه‌ن كه‌له‌كۆبوونه‌وه‌كه‌دا په‌یڕه‌وی ناوخۆ پێشێلكراوه‌.

ئه‌بوبه‌كر هه‌ڵه‌ندی-ش ئه‌ندامی په‌رله‌مانی كوردستان له‌ فراكسیۆنی یه‌كگرتوو له‌كۆبوونه‌وه‌كه‌دا داوای له‌ سه‌رۆكایه‌تی په‌رله‌مان كرد كه‌ ره‌چاوی په‌یڕه‌وی ناوخۆی په‌رله‌مان بكه‌ن و له‌به‌رژه‌وه‌ندی حزبی بڕیارنه‌درێت و پێوستیشه‌ هه‌موو فراكسیۆنه‌كان به‌شداری كۆبوونه‌وه‌كه‌ بكه‌ن و نوێنه‌ریان له‌لیژنه‌كاندا هه‌بێت.

PUKmedia تایبه‌ت