ئه‌نجوومه‌نی نوێنه‌ران دوو دانیشتن ئه‌نجامده‌دات

.

بڕیاره‌ ئه‌مڕۆ سێشه‌ممه‌ 12-3-2019 ئه‌نجوومه‌نی نوێنه‌رانی عيراق دوو دانیشتن ئه‌نجام بدات، كه‌ تایبه‌تن به‌ گفتوگۆكردن و  دانیشتنی ئاسایی په‌رله‌مان.

له‌وباره‌یه‌وه‌ حه‌سه‌ن ئاڵَی ئه‌ندامی فراكسیۆنی یه‌كێتی له‌ ئه‌نجوومه‌نی نوێنه‌رانی عيراق به‌ PUKmedia ی راگه‌یاند: ئه‌مڕۆ دوو دانیشتن ئه‌نجامده‌درێت كه‌ دانیشتنی یه‌كه‌م سه‌عات 11 ده‌ستپێده‌كات و تایبه‌ته‌ به‌ گفتوگۆكردن له‌باره‌ی كاره‌كانی ئه‌نجوومه‌نی نوێنه‌ران.

وتیشی: كۆبوونه‌وه‌یه‌كی دیكه‌ له‌سه‌عات 1ی پاش نیوه‌ڕۆ به‌ڕێوه‌ده‌چێت كه‌ كۆبوونه‌وه‌یه‌كی ئاساییه‌و تێیدا گفتوگۆ له‌باره‌ی راپۆرتی پڕۆژه‌یاسای كارگێڕی دارایی ده‌كرێت، جگه‌ له‌ خستنه‌رووی راپۆرت و گفتوگۆكردن له‌باره‌ی پڕۆژه‌ یاسای هه‌مواری یه‌كه‌می یاسای سندوقی گێڕانه‌وه‌ی پاره‌كانی عیراق ژماره‌ 9ی ساڵی 2012 و خستنه‌رووی راپۆرت و گفتوگۆكردن له‌باره‌ی پڕۆژه‌ یاسای هه‌مواری یاسای كۆمپانیاكان ژماره‌ 21ی ساڵی 1997.

PUKmedia فایه‌ق ئێزیدی