مه‌كته‌بی سیاسی: الانصات المركزی رۆڵی مه‌زنی گێڕاوه‌

.

راگه‌یاندنی مه‌كته‌بی سیاسی بۆ یادی یۆبیلی زیوینی و ده‌رچوونی یه‌كه‌مین ژماره‌ی "الانصات المركزی"  بروسكه‌یه‌كی پیرۆزبایی ئاڕاسته‌ی سه‌رنوسه‌ر و رۆژنامه‌نوسانی ئه‌و كه‌ناڵه‌ ده‌كات.

ده‌قی بروسكه‌كه‌...
به‌رێزان ستافی الانصات المركزی
له‌یادی یۆبیلی زیوینی ده‌رچوونی یه‌كه‌مین ژماره‌ی "الانصات المركزی"  پیرۆزبایی خۆمانتان ئاراسته‌ ده‌كه‌ین و رۆڵ و ماندووبونی ئێوه‌ له‌كاروانی كاری رۆژنامه‌وانی به‌رز ده‌بینین.
الانێات المركزی وه‌ك یه‌كێك له‌و بڵاوكراوانه‌ی دوای راپه‌رین و تا ئێستا به‌ شێوه‌یه‌كی ورد كاری له‌سه‌ر گه‌یاندنی په‌یامی هاوسه‌نگ و وردبینانه‌ی خۆی كردۆته‌وه‌ ، رۆڵی مه‌زنی گێراوه‌ له‌ به‌ره‌وپێشبردنی كاروانی رۆژنامه‌نووسی كورد و یه‌كێتیی نیشتیمانیی كوردستان ، هه‌روه‌ك توانیویه‌تی هه‌ڵبژارده‌ی بابه‌ت و هه‌واڵ و راپۆرته‌كان به‌ زمانی عه‌ره‌بی به‌ پانتایه‌كی فراوان بگه‌یه‌نێت.
هیوادارین ساڵیاد و یادی 25 ساڵه‌ی ده‌رچوونی یه‌كه‌مین ژماره‌ی بڵاوكراوه‌كه‌تان فاكته‌ری زیاتری گه‌شه‌پێدان و به‌ره‌وپێشچوونی بڵاوكراوه‌كه‌تان بێت، دوو باره‌ پیرۆبایی و چه‌پكه‌ گوڵی ئه‌م به‌هاره‌تان پێشكه‌ش ده‌كه‌ین و ماندووبونتان به‌رز ده‌بینین.

راگه‌یاندنی مه‌كته‌بی سیاسی
یه‌كێتیی نیشتیمانیی كوردستان

PUKmedia تایبه‌ت