یه‌كێتی و پارتی له‌هه‌ولێر كۆده‌بنه‌وه‌

.

بڕیاره‌ ئه‌مڕۆ سێشه‌ممه‌ 12-3-2019، مه‌كته‌بی سیاسی یه‌كێتیی نیشتمانیی كوردستان و پارتی دیموكراتی كوردستان له‌ھه‌ولێر كۆببنه‌وه‌و ھه‌نگاوه‌كانی پێكھێنانی كابینه‌ی نوێی حكومه‌تی ھه‌رێمی كوردستان تاوتوێ بكه‌ن.

له‌و باره‌یه‌شه‌وه‌ سه‌عدی ئه‌حمه‌د پیره‌ ئه‌ندامی مه‌كته‌بی سیاسی هه‌واڵه‌كه‌ی بۆ PUKmedia پێشتڕاستكرده‌وه‌و رایگه‌یاند: كۆبونه‌وه‌كه‌ له‌مه‌كته‌بی سیاسی پارتی له‌هه‌ولێر ئه‌نجامده‌درێت منیش وه‌ك ئه‌ندامێكی وه‌فدی یه‌كێتی به‌شدار ده‌بم.

هه‌ر له‌و باره‌یه‌وه‌ سه‌رچاوه‌یه‌كی تایبه‌ت له‌مه‌كته‌بی سیاسی به‌ PUKmedia ی راگه‌یاند: له‌كۆبوونه‌وه‌كه‌ی ئه‌مڕۆی یه‌كێتی و پارتیدا گفتوگۆ له‌سه‌ر ئیستیحقاقی په‌رله‌مانی و چۆنێتی به‌شداریی كردنی یه‌كێتی له‌كابینه‌ی نوێدا ده‌كرێت.

ئه‌و سه‌رچاوه‌یه‌ راشیگه‌یاند: دیاریكردنی كاندیده‌كان بۆ پۆسته‌كانی وه‌زاره‌ت و ده‌سته‌كان بۆ ھه‌نگاوی دوایی ده‌بێت و ئه‌وه‌ش په‌یوه‌ندی به‌خودی یه‌كێتی و پارتی خۆیانه‌وه‌یه‌، بۆیه‌ له‌كۆبوونه‌وه‌ ھاوبه‌شه‌كاندا گفتوگۆیان له‌سه‌ر ناكرێت.

PUKmedia ژینه‌ر محه‌مه‌د