ئێران و عیراق لەبارەی ڤێزەوە گەیشتنە رێككەوتن

.

بەرپرسێكی ئێران لە دیوانی سەرۆكایەتی كۆماری ئەو وڵاتە ئاشكرای كردوە كە تاران و بەغدا سەبارەت بە ڤێزەی نێوانیان گەیشتنە ڕێكەوتنێكی گرنگ. دەشڵێت ئەو ڕێكەوتنە تا مانگێكی دیكە دەخرێتە بواری جێبەجێكردنەوە.

پەروێز ئیسماعیلی جێگری ڕاگەیاندنی دیوانی سەرۆكایەتی كۆماری ئێران ڕایگەیاندوە، تاران و بەغدا گەیشتوونەتە ڕێكەوتن كە سەرەڕای مانەوەی ڤێزە لە نێوان هەر دوو وڵات، گەشتیاران و زیارەتكاران هیچ بڕە پارەیەك بۆ ئەو مەبەستە نادەن.

ناوبراو باسی ئەوەشی كردوە، پرۆژەی هێڵی ئاسنی شەلەمچە - بەسرە لە داهاتوویەكی نزیكدا دەخرێتە بواری جێبەجێكردنەوەو بەمەش یەكەم ئەنجامی سەردانەكەی حەسەن ڕۆحانی بۆ بەغدا بۆ دانیشتووانی هەر دوو وڵات، هەواڵێكی دڵخۆشكەر بووە.

PUKmedia / جام كوردی