بانكی زانیاری یه‌كێتی:الانصات المركزى سەروەرییەکی کاروانە شکۆدارەکەی مێدیای یەکێتییە

.

بانكی زانیاری یه‌كێتیی نیشتمانی كوردستان له‌25هه‌مین ساڵیادی دامه‌زراندنی بڵاوكراوه‌ی الإنصات المركزى  یدا بروسكه‌یه‌كی پیرۆزبایی ئاڕاسته‌ی سه‌رنوسه‌رو ستافه‌كه‌ی ده‌كات.

بەرێز سەرنوسەر و ستافی الانصات المركزى

بابەت پیرۆزبایی

دوای سڵاوێکی گەرم

لە یادی (۲٥)ساڵە و یۆبیلی زیوینی کاروانە بێوچانەکەی بڵاوکراوەی ( الإنصات المركزى) پیرۆزبایەکی گەرم ئاڕاستەی سەرنوسەر و ستافی ماندنەناسەکەی دەکەین. بەردەوامی ئەم کاروانە و تێپەڕاندنی ئەو تەمەنە، دەلالەتی بایەخی ئەم بڵاوکراوەیە لە رەوتی ڕۆژنامەوانی کوردی و حزبیدا. هەروەها سەلمێنەری ئەو ڕاستیەشە، کە سەرباری گەشەی بەردەوامی ڕۆژنامەی ئەلکترۆنی، مەودایەکانی پێویستی و ئاگاداربوون لە هەواڵ و زانیاری و لێکدانەوەی هەلایەنە زیاتر و فراوانتر بوون، کە ئەم خواستەش بە بڵاوکراوەیەکی بەجۆرە بەدی دێت. 

گوزەرکردنی ئەنسات مەرکەزی بە قۆناغەکانی سووری کاری ڕۆژنامەوانیدا، بۆ خۆی ئەزموونێکە و سەروەرییەکی کاروانە شکۆدارەکەی مێدیای یەکێتیی نیشتمانیی کوردستان- یشە،کە سەرۆک و رابەرمان رەوانشاد ( مام جەلال) هاوکارێکی سەرەکی مانەوە و بەردەوامی هەموو وێستگەکانی بووە.

ئاواتەخوازین تەمەن و کۆششی ئەنسات مەرکەزی هەمیشە  گەش وبڵند بێت و یادی یۆبیلی زێرینی بکەینەوە.

دووبارە پیرۆزە و هەمیشە سەرکەوتوو بن.

بانکی زانیاری

یەکێتیی نیشتمانیی کوردستان.

۱۱ئاداری ۲۰۱۹

PUKmedia