(11)ی ئازار و پەندەكانی مێژوو!

(11)ی ئازار و پەندەكانی مێژوو!


11/3/2019 17:13:00
چاپ کردن
بە وێنەوە    بە بێ وێنە
           
.

(11)ی ئازار، دوای حوكمڕانی شێخ مەحمود‌و پەیمانی سێڤر، سێهەمین بەیاننامەی رەسمی‌و سەلماندنی مافی ئۆتۆنۆمی كوردستان بوو. گەرچی رژێمی عیراق نەیگەیاندە رێككەوتن (بەیاننامە‌و رێككەوتن، جیاوازن).

دەستكەوتە مەعنەوییەكانی بەیاننامەكەو چارەسەری كێشەی دووبەرەكی (مەلایی- جەلالی)م، پێ‌ لەدەستكەوتە مادییەكانی دیكە، گرنگترە. وەكو:
یەكەم: كوردو كوردایەتی، لەبەرگری نەگەتیڤەوە، وەرچەرخا بۆ شانازی سەركەوتنی پیشمەرگایەتی- سیاسی. بەمەش ورەی كورد لەباشورو بەشەكانی دیكەی كوردستان، هەڵچوو.

دووەم: گەورەترین كێشەی دووبەرەكی دوو باڵی پارتی، كە (6) ساڵ شەڕی بێهودەیی ناوخۆییان دەكرد، چارەسەركرا. لێرەدا دەوەستم‌و دەڵێم:
(پارتی- جەلالی) كارێكی مێژوویان كرد كە، بایەخی بەیاننامەی ئازاریان زانی‌و لەفیتی رژێمیش تێگەیشتن. بۆیە، بڕیاری رێككەوتنیان لەتەك (پارتی- مەلایی)داو دەرگایان لەڕووی رژێم داخست، گەمەی تری خوێناوی بەكورد بكات.

(پارتی- مەلایی)یش، لەسەرویانەوە بارزانی، بڕیارێكی مێژوویاندا، دەرگای رێككەوتن لەگەڵ بەشەكەی تری پارتەكەیان بكەنەوە. ئیتر برینێكی قوڵی كێمداریان ساڕێژ كردو رژێمیان لەنەخشەی چەواشەی دووبەرەكی، نائومێد كرد.

پرۆسەی یەكگرتنەكە، لەئۆرگانەكان‌و لەناو ویژدانی هەموولایەك، بەتایبەتی سەركەوتووەكانی پارتی، موتوربە نەبوو. بۆیە، كەمترین سوود لەتواناكان وەرگیراو كاردانەوەی دەرونیشی هەبوو.

باوەڕ ناكرێ‌، سیاسییەك هەبوبێ‌، پێشتر پێشبینی هەرەسی شۆڕشی ئەیلولی كردبێ‌. بەڵام روویدا. ئاخر ئەمەش دونیای سیاسەتە، ئەوەی نەخشەی بۆ دەكێشرێ‌، زۆرجار نایەتەدی، ئەوەی پێشبینی ناكرێ‌، هەندێجار دێتەدی!! لێرەوە، كارەساتەكان دووبارە بونەوە..

رووداوەكات، دراماتیكی بوون. لەشەش ساڵدا: بەیانی ئازار، یەكگرتنی هەردوو باڵ، هەرەسی شۆڕش، ئینجا دروستكردنی یەكێتی، هاوكات بوژانەوەی پارتی- قیادەی موەقەتە. زوو شۆڕشیش بەرپاكرایەوە. لەم پرۆسەیەدا، بواری هەڵسەنگاندن نەبوو. سەركەوتن، هەرەس، هەڵسانەوە‌و هەڵگەڕانەوە بۆ گۆمی خوێناوی شەڕی ناوخۆ.

لەناو ئەم هاوكێشانەدا، پەندەكانی مێژوو فەرامۆش كرانەوە. دیسان گەڕانەوە بۆ قەتماغە هەڵدانەوە.

لەدۆخی بەیاننامەی ئازاردا، لایەك سەردەكەوێ‌‌و لای ژێركەوتوو قبوڵ دەكات. بەڵام لەدۆخی هەرەسی شۆڕشی ئەیلولدا (1975) لەبەرامبەر دامەزراندنی یەكێتیدا (1/6/1975) لۆژیكی رێككەوتنی ئازار، بەكارناهێنێ‌. ئەمە لەكاتێكدا، پارتی پاشەكشەی كردووەو خیانەتننامەی (6)ی جەزائیری بە بەرەنگاری عەسكەری رەتنەكردۆتەوە. یەكێتیش لەمەلۆتكەدایە‌و پرشنگی ئومێدی دەدا.

بەندە نامەوێ‌ دەرسی مێژوویی دابدەم. بەڵام لام مەبەستە بڵێم: وەرنەگرتنی پەندە مێژووییەكان، كارەساتی گەورەیان لێدەكەوێتەوە. بەغروری سەركەوتن‌و هێزی چەكداری، پێش لەكارەسات ناگیرێ‌. بەڵكو كارەساتیش روودەدات.

لایەنەكان، وانەزانن بڕیارو كاردانەوەكان، ئەگەر لەزەمانێكدا بچێتەسەر، ئیدی ئەم چوونەسەرە دەستەبەرە. لۆژیكی سیاسی كاتێك ئەقڵ‌و بڕیارەكان دەخاتە ناو گۆڕانكاریی‌و متمانەی سیاسی، كە سەركردەكان، سەری كردەی راستەقینەبن. پەندی سیاسیش، بۆ بڕیاری ئازایانەی چارەسەری كێشە گەورەكانە، چارەسەری گەورەش، بەهزرە نەزۆكەكان، بەرهەم نایەت!!

مەلا بەختیار

وێنە هەواڵ
  • image04
  • پیرۆزبێت یادی 235 ساڵه‌ی دامه‌زراندنی سلێمانی

  • image04
  • .

  • image04
  • جوتیاره‌ نموونه‌ییه‌كه‌ی هه‌ڵه‌بجه‌ به‌رهه‌مه‌كانی ده‌باته‌ هه‌ولێر

  • image04
  • یادی له‌دایكبوونی پێغه‌مبه‌ر(د.خ) له‌هه‌ولێر

  • image04
  • كۆبوونەوەی لوتكە لەهەرێم بەڕێوەدەچێت

  • image04
  • سێ سه‌رۆكایه‌تییه‌كه‌ی هه‌رێم كۆده‌بنه‌وه‌

  • image04
  • هێرۆخان لەدەباشان پێشوازی لەكافیە سلێمان سكرتێری یەكێتی ژنان كرد

  • image04
  • فێستیڤاڵی هەنار لەهەڵەبجە


                                           

وەفدێكی كۆمیتەی بەریتانیا كەرتی لیڤەرپوڵ بەسەردەكاتەوە


وەفدێكی  كۆمیتەی بەریتانیا بەسەرپەرشتی قەیس قاسم  لێپرسراوی كۆمیتە و شێخ ئیسماعیل بەرپرسی چاودێری و بەدوادا چوون، سەردانی شاری لیڤەرپولیان كرد و لەگەڵ ژمارەیەك كادیرو ئەندامی  یەكیتی...


  یۆنان.. كورد داكۆكیكاری هێنانه‌دی ئاشتی و سه‌قامگیریی و چه‌سپاندنی دیموكراسییه‌
   له‌ دانیمارك ڕۆژی كۆبانێ به‌ڕێوه‌چوو
                                           

عومەر شێخ موس: سەركردایەتیی كورد لەسیاسەت تێ نەگەیشتووە


عومەر شێخ موس، سیاسەتمەداری كورد، كە خەڵكی رۆژئاوای كوردستانە جەخت لەسەر ئەوە دەكاتەوە، ئەو پشتتێكردنەی ئەمەریكا لە رۆژئاوای كوردستان ئەگەر هەیە لە دژی هەرێمی كوردستانیش دووبارە ببێتەوە و دەشڵێت: ب...


  حاجی مەسیفی: بۆ دانانی پارێزگاری كەركوك چیتر سەبرمان نەماوە
  موكه‌ڕه‌م تاڵه‌بانی: به‌ بارزانیم وت ڕیفراندۆم سودی بۆ كوردستان نابێت
                                           

پزیشكێك: پیشەكەمان پێش ئەوەی بازرگانی بێت مرۆڤایەتییە

رۆژانە هاووڵاتیان پەیوەندی بەردەوامیان لەگەڵیاندا هەیە، رووی مرۆڤایەتی كۆمەڵگەن، ئەو توێژەش پزیشكانن، كە پیشەكەیان پڕە لە سۆزو بەهای بەرزی ئاكارو رەوشتی جوان،...


  101 ساڵ بەسەر راگرتنی جەنگی جیهانی یەكەم تێدەپەڕێت
  رۆنی رەشكە .. خواردن و چارەسەر


کاریکاتێر