شه‌ڕه‌ گه‌وره‌ی باغوز ده‌ست پێده‌كات

.

وابڕیاره‌ شه‌ڕڤانان  به‌پشتیوانی هێزه‌كانی هاوپه‌یمانان گه‌وره‌ترین هێرش بۆ پاككردنه‌وه‌ی ته‌واوه‌تی شارۆچكه‌ی باغوز له‌رۆژهه‌ڵاتی فورات ده‌ست پێ بكه‌ن.

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند: له‌رۆژی شه‌ممه‌وه‌ هیچ هاووڵاتیه‌كی مه‌ده‌نی له‌ناو شارۆچكه‌ی باغوزه‌وه‌ نه‌هاتوونه‌ته‌ ده‌ره‌وه‌.

وتیشی: ئیتر كاتی ئه‌وه‌ هاتووه‌ هێرشه‌ گه‌وره‌كه‌ بۆ سه‌ر شارۆچكه‌ی باغوز ده‌ست پێ بكه‌ن و به‌ته‌واوی له‌داعشی پاكبكه‌نه‌وه‌.

رونیشكرده‌وه‌: له‌ماوه‌ی چه‌ند رۆژی رابردوودا ژماره‌یه‌ك تیرۆرست هه‌وڵیانداوه‌ له‌ڕێگه‌ی قاچاخه‌وه‌ هه‌ڵبێن به‌ڵام به‌شێكی كوژراون و ده‌ستگیركراون.

PUKmedia سامان یاروه‌یس