لیژنه‌یه‌كی وه‌زاره‌تی پێشمه‌رگه‌ سه‌ردانی به‌غدا ده‌كات

.

به‌مه‌به‌ستی كۆبوونه‌وه‌ له‌گه‌ڵ وه‌زاره‌تی به‌رگری عیراق، لیژنه‌یه‌كی ژمێریاری وه‌زاره‌تی پێشمه‌رگه‌ی هه‌رێم سه‌ردانی به‌غدا ده‌كات.

له‌وباره‌یه‌وه‌ جه‌بار یاوه‌ر ئه‌مینداری گشتی وه‌زاره‌تی پێشمه‌رگه‌ ئه‌مڕۆ یه‌كشه‌ممه‌ 10-3-2019 تایبه‌ت به‌ PUKmedia ی راگه‌یاند: بڕیاره‌ لیژنه‌یه‌كی ژمێریاری وه‌زاره‌تی پێشمه‌رگه‌ به‌مه‌به‌ستی ئاگاداربوون له‌ چۆنییه‌تی خه‌رجكردن و دابه‌شكردنی موچه‌ی پێشمه‌رگه‌ له‌گه‌ڵ وه‌زاره‌تی به‌رگری عیراق كۆببێته‌وه‌.

راشیگه‌یاند: تاكو ئێستا كاتی چوونی لیژنه‌كه‌ی وه‌زاره‌تی پێشمه‌رگه‌ بۆ به‌غدا دیارینه‌كراوه‌، به‌ڵام له‌ چه‌ند رۆژی داهاتوودا ده‌بێت.

PUKmedia ژینه‌ر محه‌مه‌د