داعش 50 تۆن ئاڵتونی له‌عیراق به‌تاڵان بردوه‌

.

سه‌ركرده‌یه‌كی به‌ره‌ی سه‌در، ئه‌و سه‌روه‌ته‌ی عیراق ئاشكرا ده‌كات، كه‌له‌بانكه‌كانی عیراق له‌لایه‌ن داعشه‌وه‌ به‌تاڵان براوه‌.

حاكم زاملی سه‌ركرده‌ له‌ره‌وتی سه‌در، رایگه‌یاندوه‌:" داعش 50 تۆن ئاڵتون و 400 ملیۆن دۆلاری له‌بانكه‌كانی عیراق به‌تاڵانبردوه‌".

رونیشكردوه‌ته‌وه‌:" ده‌بێت حكومه‌تی عیراق له‌گه‌ڵ هێزه‌كانی ئه‌مریكاو ئه‌و سه‌ركردانه‌ی كه‌ده‌ستیان به‌سه‌ر  ئاڵتونه‌ دزراوه‌كانی داعش له‌باغوز گرتووه‌، لێكۆڵینه‌وه‌ بكه‌ن".

جه‌ختیكردوه‌ته‌وه‌:" ده‌بێت ئه‌و سه‌ركرده‌ عیراقیانه‌ی داعش كه‌له‌ سوریا ده‌ستگیركراون راده‌ستی عیراق بكرێنه‌وه‌و به‌تاوانی كوشتنی  خه‌ڵكی بێتاوان دادگای بكرێن".

PUKmedia ئاژانسه‌كان