حه‌ملان: 30 رۆژ جارێك مووچه‌ به‌بێ پاشه‌كه‌وت ده‌درێت

.

له‌ به‌رنامه‌یه‌كی كه‌ناڵی كوردسات وه‌زیری دارایی رایگه‌یاند, 30 رۆژ جارێك حكومه‌تی عيراق به‌بێ پاشه‌كه‌وت مووچه‌ی فه‌رمانبه‌رانى هه‌رێم رەوانە دەکات.

رێباز حه‌ملان وه‌زیری دارایی حكومه‌تی هه‌رێمی كوردستان له‌به‌رنامه‌یه‌كی كه‌ناڵی كوردسات رایگه‌یاند: تا پێش پشووی نەورۆز مووچەی تەواو وەزارەتەكان دابەشدەكرێت بڕیارە لە رۆژەكانی پشووش مووچە دابەشبكرێت.

وتيشي: دابەشکردنی مووچە هەموو ٣٠ رۆژ جارێک بە بێ پاشەکەوت ده‌درێت و دەشڵێت عادل عەبدولمەهدی لێکتێگەیشتنی باشی لەگەڵ هەرێمدا هەیەو حکومەتی عيراق مووچەی سێ مانگی فەوتاوی فەرمانبەران رەوانە دەکات.

لەبارەی پلە بەرزکردنەوەی فەرمانبەرانیش رێباز حەملان رایگەیاند: بەم نزیكانە هەموو رێكارەكان دەگیرێتە بەر بۆ پلە بەرزكردنەوەی فەرمانبەران.

ئاماژەی بەوەشکرد بەم نزیکانە سەرۆکی حکومەت و جێگرەکەی بۆ دانوستان لەگەڵ حکومەتی عيراق دەچنە بەغداد بۆ گفتوگۆکردن لەبارەی فرۆشتنی نەوتی هەرێم لەرێگەی سۆمۆوە.

PUKmedia کورسات نيوز