بەئادەبوونی سەرۆك كۆمار پەرلەمان كۆدەبێتەوە

.

بەئادەبوونی سەرۆك كۆمارو سەرۆك وەزیرانی عیراق كۆبوونەوەكانی پەرلەمانی عیراق دەستپێدەكاتەوە

حەسەن ئاڵی پەرلەمانتاری فراكسیۆنی یەكێتی لەپەرەلمانی عیراق بە PUKmedia ی راگەیاند: بڕیارە سەعات 1ی پاشنیوەڕۆی ئەمڕۆ 9ی ئاداری 2019، بەئادەبوونی د.بەهەرم ساڵح سەرۆك كۆماری عیراق و عادل عەبدولمەهدی سەرۆك وەزیران و مەدحەت مەحمود سەرۆكی ئەنجومەنی باڵای دادوەری كۆبوونەوەكانی پەرلەمان لەدوای كۆتایهاتنی پشوو دەستپێبكاتەوە.

وتیشی: لەكۆبوونەوەكەدا، سەرۆك كۆمار وتارێك پێشكەش دەكات، هەروەها لەكۆبوونەوەكەدا گفتوگۆ لەبارەی هەوڵەكانی دەسەڵات دەكات بۆ روبەڕووبونەوەی گەندەڵی كارگێڕیی و دارایی.

ئەو ئەندامەی پەرلەمان، باسی لەوەشكرد كە پەرلەمان گفتوگۆش لەسەر تەواوكردنی پێكهاتەی حكومەت دەكات.

PUKmedia تایبەت