مه‌خمور .. حه‌شدی شه‌عبی كه‌وته‌ بۆسه‌ی داعشه‌وه‌

.

ئه‌مشه‌و له‌كاتی گه‌ڕانه‌وه‌یان كاروانێكی هێزه‌كانی حه‌شدی شه‌عبی له‌نزیك گوندێكی سنوری مه‌خمور كه‌وتوونه‌ته‌ بۆسه‌ی داعشه‌وه‌و ژماره‌یه‌ك كوژراو برینداریان لێكه‌وتووه‌ته‌وه‌.

سه‌رچاوه‌یه‌كی تایبه‌ت به‌ PUKmedia ی راگه‌یاند: له‌نزیك كه‌له‌شخانی نزیك باقردێی  سه‌ربه‌ مه‌خمور، كاروانێكی چه‌كدارانی حه‌شدی شه‌عبی كه‌ 150 چه‌كداربوون دوای له‌موسڵه‌وه‌ بۆ خورماتوو گه‌ڕاونه‌ته‌وه‌ له‌لایه‌ن داعشه‌وه‌ په‌لاماردراون.

وتیشی: به‌پێی زانیاریه‌ سه‌ره‌تاییه‌كان 10 كوژراو 10 بریندار هه‌یه‌ ژماره‌یه‌كی تریشیان بێسه‌روشوێنن.

رونیشكرده‌وه‌: باسله‌وه‌شده‌كرێت ژماره‌یه‌كی تریان له‌ناوچه‌یه‌كی تری نزیك رووداوه‌كه‌ گه‌مارۆ دراون و دواتر هێزێكی ئه‌منی تر هاتوون و رزگاریان كردون.

ئه‌و سه‌رچاوه‌یه‌ باسی له‌وه‌شكرد: ئه‌و 150 چه‌كداره‌ی حه‌شدی شه‌عبی توركمانن و خه‌ڵكی خورماتوون  بۆ ده‌رهێنانی كارتی زیره‌ك بۆ وه‌رگرتنی موچه‌كانیان چوونه‌ته‌ موسڵ.

جه‌ختیكرده‌وه‌: ژماره‌یه‌ك له‌برینداره‌كان ره‌وانه‌ی نه‌خۆشخانه‌ی ئازادی كراون له‌كه‌ركوك.

PUKmedia سامان