خانسور: هێشتا 300 هاووڵاتی ئێزیدی له‌ناو دۆزه‌خی داعشدان

.

چالاكوانێكی كوردانی ئێزیدی دواهه‌مین زانیاری له‌سه‌ر ئه‌و هاووڵاتیه‌ ئیزیدیانه‌ ئاشكرا ده‌كات، كه‌له‌لای داعشن و با له‌ ناهه‌مواری ژیانیان ده‌كات.

حسێن خانسور، چالاكوانی دیاری ئێزیدیه‌كان، به‌ كه‌ناڵی عه‌ره‌بیه‌ی راگه‌یاندوه‌:" تاكو ئێستادا 300 هاووڵاتی ئێزیدی له‌ژن و منداڵ له‌ژێر ده‌ستی داعشدان و له‌ناو دۆزه‌خی ئه‌و گروپه‌ تیرۆرستیه‌ ره‌نجده‌كێشن".

رونیشكردوه‌ته‌وه‌:" پێشتر هه‌زار هاووڵاتی بوون به‌ڵام به‌هۆی بۆردومان و شه‌ڕه‌كانه‌وه‌ به‌شێكی زۆریان كوژراون".

كه‌ناڵی عه‌ره‌بیه‌ ئه‌وه‌ی ئاشكراكردوه‌:" له‌سه‌روبه‌ندی ئازادكردنی ناوچه‌كانی ژێر ده‌سه‌ڵاتی داعش گۆڕێكی به‌كۆمه‌ڵ دۆزراوه‌ته‌وه‌ كه‌ 50 كچ وژنه‌ئێزیدی تێدا بووه‌ سه‌ریان له‌لایه‌ن داعشه‌وه‌ بڕدرابوون".

خانسور، ره‌خنه‌ی له‌حكومه‌تی عیراق گرتووه‌و، ووتویه‌تی:" حكومه‌تی عیراق تاكو ئێستا نه‌یتوانیوه‌ هیچ هه‌وڵێكی جدی له‌خۆی پیشانبدات بۆ ئازادكردنی ئه‌و هاووڵاتیه‌ ئێزیدیانه‌".

PUKmedia  ئاژانسه‌كان