هێرشه‌كانی هاوپه‌یمانی له‌سه‌ر ره‌زامه‌ندنی عه‌بدولمه‌هدیه‌

.

فه‌رمانده‌ی گشتی هێزه‌ هاوبه‌شه‌كانی عیراق، ئاشكرایكردوه‌، ته‌واوی هێرشه‌كانی هاوپه‌یمانی نێوده‌وڵه‌تی دژ به‌داعش به‌سه‌رۆكایه‌تی ئه‌مریكا، له‌سه‌ر ره‌زامه‌ندی عادل عه‌بدولمه‌هدی فه‌رمانده‌ی گشتی هێزه‌ چه‌كداره‌كانی عێراقه‌.

له‌به‌یاننامه‌یه‌كی فه‌رمانده‌ی گشتی هێزه‌ هاوبه‌شه‌كانی عیراقدا هاتووه‌:" ته‌واوی ئه‌و هێرشانه‌ی له‌سه‌ر زه‌وی و ئاسمان هاوپه‌یمانی نێوده‌وڵه‌تی دژ به‌داعش، به‌پێی هه‌ماهه‌نگیه‌ له‌گه‌ڵ فه‌رمانده‌ی هێزه‌ هاوبه‌شه‌كان و ره‌زامه‌ندی عادل  عه‌بدولمه‌هدی فه‌رمانده‌ی گشتی هێزه‌ چه‌كداره‌كانی عیراقه‌".

رونیشكراوه‌ته‌وه‌:" هه‌موو هاوكاریه‌كانی هاوپه‌یمانی نێوده‌وڵه‌تی بۆ سوپای عیراق له‌ڕووی مه‌شقی سه‌ربازی و پشتیوانی لۆجیستی به‌رده‌وامن".

له‌لایه‌كی تریشه‌وه‌ عه‌لی حوسێنی وته‌بێژی حه‌شدی شه‌عبی، ره‌خنه‌ی گرتووه‌و باسیله‌وه‌كردوه‌:" هێرشه‌كانی هاوپه‌یمانی له‌ده‌شتی موسڵ به‌شێوه‌یه‌كی ورد ئه‌نجام نادرێت و به‌زۆری هاووڵاتیانی مه‌ده‌نی كردوه‌ته‌ ئامانج".

PUKmedia ئاژانسه‌كان