بیابانی ئه‌نبار ده‌كرێته‌ ناوچه‌یه‌كی سه‌ربازی

.

به‌هۆی بوونی ژماره‌یه‌كی زۆر تیرۆرستی داعش له‌ناوچه‌كه‌دا، بیابانی ئه‌نبار، به‌ناوچه‌ی سه‌ربازی داده‌نرێت و به‌مه‌ترسی بۆ داهاتووی ئه‌من و ئاسایشی عیراق باسده‌كرێت.

سه‌رچاوه‌یه‌كی هه‌واڵگری به‌پێگه‌ی عه‌هدی راگه‌یاندوه‌:" هێزه‌ ئه‌منیه‌كان هاووڵاتیانی مه‌ده‌نیان ئاگادار كردوه‌ته‌وه‌ كه‌ به‌ره‌و ناوچه‌كانی نوغێب و روتبه‌"  بچن و خۆیان له‌مه‌ترسی داعش بپارێزن".

ئاماژه‌ی به‌وه‌شداوه‌:" داوایان له‌گه‌له‌ له‌وان و شوانكاره‌كان كردوه‌ كه‌ ئاژه‌ڵه‌كانیان له‌و ناوچانه‌ دوور بخه‌نه‌وه‌".

فه‌رهاد دلێمی ئه‌ندامی ئه‌نجومه‌نی پارێزگای ئه‌نبار، رایگه‌یاندوه‌:" به‌سه‌دان تیرۆرست له‌بیابانه‌كانی شامیه‌و نه‌ینه‌واو سڵاحه‌دین بوونیان هه‌یه‌و مه‌ترسیه‌كی گه‌وره‌ن بۆ داهاتووی عیراق".

باسیله‌وه‌شكردوه‌:" زانیاری وردی له‌ خه‌ڵكی ناوچه‌كه‌ وه‌رگرتووه‌، كه‌ تیرۆرستان به‌رده‌وام له‌و شوێنانه‌ هاتوچۆ ده‌كه‌ن و هه‌ڕه‌شه‌ی گه‌وره‌ن بۆ ناوچه‌كه‌".

PUKmedia ئاژانسه‌كان