ئه‌وینی خورماتوو تێكه‌ڵ به‌ شعره‌كانی ساهی رێكده‌خرێت

.

به‌ ناونیشانی (ئه‌وینی خورماتوو تێكه‌ڵ به‌ شعره‌كانی ساهی) له‌ خورماتوو كۆڕێكی شیعری بۆ شاعیر هاورێ قانع  ناسراو به‌ ساهی خه‌بات رێكخرا.

دوێنێ یه‌كشه‌ممه‌ 3 -3-2019، به‌ سه‌رپه‌رشتی به‌شی راگه‌یاندنی مه‌ڵبه‌ندی 16 ی حه‌مرینی یه‌كێتیی نشتیمانیی كوردستان، له‌ خورماتوو كۆڕێكی شیعری بۆ شاعیر هاورێ قانع  ناسراو به‌ ساهی خه‌بات به‌ ناونیشانی (ئه‌وینی خورماتوو تێكه‌ڵ به‌ شعره‌كانی ساهی) رێكخرا.

له‌ كۆڕه‌كه‌دا چه‌ندین كه‌سایه‌تی حزبی و رۆشنبیری و گه‌نجی شاره‌كه‌ ئاماده‌ بوون و چه‌ند پارچه‌ شعرێك پێشكه‌ش به‌ ئاماده‌بووان كرا.

گه‌نجان و رۆشنبیران داوایان له‌ هه‌ردوو حكومه‌تی هه‌رێمی كوردستان و فیدڕاڵ كرد هۆڵێكیان بۆ دابین بكه‌ن، تا له‌ڕێگه‌یه‌وه‌ بتوانن چالاكیه‌كینیانی تێدا ئه‌نجام بده‌ن.

PUKmedia عه‌داله‌ت میعاد