پۆلیس: ئەو پیاوەی هاوسەرەكەی خۆی كوشت دەستگیركرا

.

هێزەكانی بنكەی پۆلیسی بەختیاری تۆمەتبارێكیان دەستگیركرد كە ساڵی رابردوو هاوسەرەكەی خۆیی كوشتوە.

پۆلیسی سلێمانی لە راگەیەنراوێكیدا كە وێنەیەكی گەیشتۆتە PUKmedia رایگەیاند: رۆژی 17ی4ی 2018، هاووڵاتی (ش.ر.أ) تەمەن 45 ساڵان رەگەز مێ‌ لەگەڕەكی زەرگەتەی شاری سلێمانی بە گوللـە كوژرا، دوای گەیشتنی هێزەكانی پۆلیس و تیمەكانی بەشی پۆلیسی بەڵگەی تاوان كەشف و هێڵكاری شوێنی روداوەكە كراو بەپێی زانیارییەكانی پۆلیس دەركەوت كە هاوسەرەكەی ئەم تاوانەی ئەنجامداوە.

رونیشیكردۆتەوە: دواتر تۆمەتباری روداوەكە هەڵهات و خۆی حەشاردا، دوای گەڕان و پشكنین و چاودێریكردنی چەند ناوچەیەك كە گومان دەكرا تۆمەتبار خۆی تیا حەشاردا بێت، سەرەنجام هێزەكانی بنكەی پۆلیسی بەختیاری توانییان ئەمڕۆ 20-2-2019 تۆمەتبار دەستگیر بكەن.

پۆلیس دەشڵێت: لەئێستاداو بەفەرمانی دادوەر تۆمەتبار (أ.ف.س)ی تەمەن 51 ساڵان، رەگەز نێر، بەپێی ماددەی 405 لەیاسای سزادانی عیراقی راگیراوەو دانی ناوە بەتاوانەكەیەدا كە هاوسەرەكەی خۆیی كوشتووە.

PUKmedia