گه‌رمیان.. دوو به‌كارهێنه‌ری مادده‌ی هۆشبه‌ر سزادران

.

دوای ئه‌وه‌ی له‌لایه‌ن هێزه‌كانی ئاسایشه‌وه‌ ده‌ستگیركرابوون،دوو به‌كارهێنه‌ری مادده‌ی هۆشبه‌ر سزا دران.

له‌راگه‌یه‌ندراوێكدا، ئاسایشی گه‌رمیان رایگه‌یاندوه‌:" یاریدەدەرێتی ئاسایشی کەلار ڕایدەگەیەنێت، بەمەبەستی بنبڕكردنی بازرگانی بە مادە هۆشبەرەكانەوە دوو كەسیان دستگیر كردووە.

ئاماژه‌به‌وه‌شدراوه‌:" بەمەبەستی نەهێشتن و بنبڕكردن و بازرگانی پێكردنی هەموو جۆرە ماددەیەكی هۆشبەر و هەر جۆرە كارێكی نایاسایی، لە درێژەی كارو چالاكییەكانی یاریدەدەرێتی ئاسایشی کەلار دوو تۆمەتباریان دەستگیر كرد.

رونیشكراوه‌ته‌وه‌:"هێزەكانمان توانیان لە ڕۆژانی 25/5/2018 بە بڕیاری بەرێز دادوەر، دوو كەس دەستگیر بكەن و بەپێی ماددەی/ 14 ی هۆشبەرەكان/ لەلایەن دادگای تاوانەكانی گەرمیان /کەرکوک لە بەرواری 2019/02/12  سزادران.

له‌به‌شێكی تری راگه‌یه‌ندراوه‌كه‌دا هاتووه‌:"(م، غ، ا) لەدایكبووی ساڵی ١٩٩٧ لە ڕەگەزی نێرــ پیشەی کاسب، سزادرا بۆ ماوەی (3) ساڵ و غەرامەكردنی بە بڕی (100000) سەد هەزار دینار،وە(م، ع، ع) لەدایكبووی ساڵی١٩٩٤ ڕەگەزی نێر، پیشەی كاسب، سزادرا بۆ ماوەی (3)ساڵ، غەرامەكردنی بەبڕی (100000)سەد هەزار دینار.

PUKmedia راگه‌یاندنی ئاسایشی گه‌رمیان