ئاژه‌ڵێك ده‌بێته‌ هۆی كوژرانی 4 كه‌س

.

 له‌ كێشه‌یه‌كی عه‌شایه‌ریدا له‌ پارێزگای به‌سره‌ كه‌به‌هۆی ئاژه‌ڵێكه‌وه‌ دروست بوو، چوار كه‌س كوژران و ژماره‌یه‌كی دیكه‌ش برینداربوون.

له‌و باره‌یه‌وه‌ ناوه‌ندی میدیایی ئه‌نجومه‌نی باڵای دادوه‌ری له‌ راگه‌یه‌ندراوێكدا كه‌ كۆپیه‌كی بۆ PUKmedia نێردراوه‌، روونیكردووه‌ته‌وه‌ كه‌ كێشه‌كه‌ له‌نێوان دوو عه‌شیره‌تی گه‌وره‌ی باشوری عیراقدا بووه‌و تێیدا چه‌ند كه‌سێك كوژراون و ژماره‌یه‌كیش برینداربوون، كێشه‌كه‌ش به‌هۆی ئاژه‌ڵێكه‌وه‌ بووه‌.

راگه‌یه‌ندراوه‌كه‌ ئاماژه‌ی به‌وه‌كردووه‌ كه‌ دادگای لێكۆڵینه‌وه‌ی سێیه‌م له‌ به‌سره‌ دۆسیه‌ی سكاڵای هاووڵاتیه‌كی باشوری ره‌وانه‌كردووه‌ كه‌ نیشته‌جێی ناوچه‌یه‌كی گوندنشینی به‌سره‌یه‌و تێیدا باسی له‌ كوژرانی چواركه‌س كردووه‌ به‌هۆی كێشه‌ی نێوان دوو عه‌شیره‌ت درووستبووه‌ ئه‌ویش دوای ئه‌وه‌ی ئاژه‌ڵێ ده‌چێته‌ باخی خزمی یه‌كێك له‌ قوربانیه‌كانه‌وه‌.

به‌پێی راگه‌یه‌ندراوه‌كه‌ دادگا وته‌ی تۆمه‌تباره‌كانی په‌سه‌ندكردووه‌و قسه‌ی تۆمه‌تباری یه‌كه‌میشی تۆماركردووه‌ به‌ سیفه‌تی شایه‌تحاڵ، هه‌روه‌ها دادوه‌ری لێكۆڵینه‌وه‌ بڕیاریداوه‌ بابه‌ته‌كه‌ له‌گه‌ڵ دادگایه‌كی لێكۆڵینه‌وه‌ باس بكات تا تاوانباران ره‌وانه‌ی دادگای تایبه‌تمه‌ند بكرێن بۆ ئه‌وه‌ی سزاكانیان به‌سه‌ردا بسه‌پێنێت.

PUKmedia  ناوه‌ندی میدیایی ئه‌نجومه‌نی باڵای دادوه‌ری