كورده‌كانی سوریا: زیندانیه‌ به‌ڕه‌گه‌ز ئه‌وروپیه‌كان ئازاد ناكه‌ین

.

دوای ئه‌وه‌ی شه‌وی رابردوو دۆناڵد ترامپ سه‌رۆك كۆماری ئه‌مریكا، داوایكرد له‌ئه‌وروپا ئه‌گه‌ر زیندانیه‌ ئه‌وروپیه‌كانی داعش وه‌رنه‌گرنه‌وه‌ ئازادیان ده‌كه‌ن، كورده‌كانی سوریا ره‌تیده‌كه‌نه‌وه‌.

عه‌بدولكه‌ریم عومه‌ر هاوسه‌رۆكی مه‌كته‌بی په‌یوه‌ندیه‌كانی ده‌ره‌وه‌ی رۆژئاوای كوردستان رایگه‌یاندوه‌:" نزیكه‌ی 800 زیندانی كه‌به‌ڕه‌گه‌ز ئه‌وروپین و له‌ریزه‌كانی داعش شه‌ڕیان كردوه‌، له‌ناو زیندانه‌كاندان له‌رۆژئاوای كوردستان".

رونیشكردوه‌ته‌وه‌:"به‌هیچ شێوه‌یه‌ك ئه‌و زیندانیانه‌ ئازاد ناكرێن، به‌ڵام ئه‌گه‌ر هێرشبكرێته‌ سه‌ریان ئه‌گه‌ری هه‌ڵاتنیان هه‌یه‌".

جه‌ختیكردوه‌ته‌وه‌:"ئه‌و زیندانیانه‌ وه‌ك بۆمبی ئاماده‌كراون".

ئه‌وه‌شی ئاشكراكردوه‌:" هه‌روه‌ها زیاتر له‌ 700 ژن و 1500 منداڵی داعش له‌كه‌مپه‌كانی ژێر ده‌سه‌ڵاتی شه‌ڕڤاناندان".

PUKmedia ئاژانسه‌كان