هه‌رێم به‌ره‌و گه‌شه‌ و بنیادنانه‌وه‌ی ژێرخانی ئابوری

.

دوای ئه‌وه‌ی كۆماری ئیسلامی ئێران له‌سه‌ر ئاستی به‌رپرسانی باڵالی ئه‌و ووڵاته‌ به‌گه‌رم و گوڕی هاتونه‌ته‌ سه‌ر هێڵ بۆ ئاماده‌كاری و به‌هێزكردنی ئاڵوگۆڕی بازرگانی و لابردنی سه‌رجه‌م ئاسته‌نگه‌كان له‌نێوان هه‌رێمی كوردستان و ئێران به‌یاساكردنی مه‌رزه‌كانی( سه‌یرانبه‌ن+ پشته‌+شێنێ) و ڕێگه‌دان به‌سه‌رمایه‌گوزاری ئێرانی بێنه‌ هه‌رێمی كوردستان سه‌رمایه‌ گوزاری بكه‌ن له‌سه‌رجه‌م بواره‌كان و كارئاسانی بۆ هاتووچۆی بازگانانی هه‌ردوولا هه‌روه‌ها بۆ گه‌شتیاران ئه‌مانه‌ وای كردووه‌ هه‌رێم له‌چوارچێوه‌ی یاسای نێوده‌وڵه‌تی په‌یوه‌ندییه‌كی به‌هێزی ئابوری و بازرگانی له‌نێواندا بنیاد بنرێت .
توركیا:
پاشا ئه‌وه‌ی  به‌هه‌وڵی (ی.ن.ك) و به‌ڕێز سه‌رۆك كۆماری عێراق  گه‌مارۆی ئاسمانی له‌سه‌ر فرۆكه‌ خانه‌ی سلێمانی لابرا ئه‌م كاره‌  ماییه‌ی دڵ خۆشی بوو بۆ گه‌شتیران و بازرگانان  هه‌رچه‌نده‌ په‌یوه‌ندی ئابوری و بازرگانی نێوان هه‌رێمی كوردستان و كۆماری توركیا په‌یوه‌ندیه‌كی به‌هێزه‌ سه‌دان كۆمپانیای توركی له‌ بواره‌جیاجیاكانی وه‌به‌رهێنان و بازرگانی گشتی له‌هه‌رێمی كوردستان نوسینگه‌ی تایبه‌تی خۆیان هه‌یه‌ به‌هاوبه‌شی له‌گه‌ڵ بازرگانان و وه‌به‌رهێنه‌رانی هه‌رێم كار ده‌كه‌ن هێچ به‌ربه‌ستێك نیه‌ له‌ نێوان ئاڵ و گۆڕی بازرگانی هه‌رێم و كۆماری توركیا ئه‌مانه‌ وای كردووه‌ ئاڵ و گۆڕی بازرگانی و ئابوری له‌ نێوان هه‌رێم و ووڵاتانی هه‌رێمایه‌تی ئاسایی و تۆكمه‌ بیبَت،لابردنی گه‌مارۆی ئاسمانی له‌سه‌ر فڕۆكه‌خانه‌ی  نێوده‌وڵه‌تی  سلێمانی  ئاسانكاری باشتر بۆ ئاڵوگۆڕی بازرگانی ده‌ڕه‌خسێنێ.
 
 عێراق:
دوای ئه‌وه‌ی په‌یوه‌ندیه‌كانی هه‌رێم به‌ره‌و ئاسایی بوونه‌وه‌ ده‌ڕوات به‌ره‌و چاره‌سه‌ری كێشه‌كانی نێوان هه‌رێم و ناوه‌ند ده‌ڕوات ئێستا خۆشبه‌ختانه‌ بڕیاره‌ له‌ 17/2/2019 وه‌  خاڵه‌ گومرگیه‌كانی نێوان شاره‌كانی هه‌رێم و شاره‌كانی تری ناوچه‌كێشه‌له‌سه‌ره‌كان لا ببرێت و ئازادی هاتووچۆی بازرگانان ئاسانكاری بۆ بكرێت ئه‌مه‌ش ده‌بێته‌ هۆكارێكی كاریگه‌ر بۆ ئاڵوگۆڕی بازرگانی له‌نێوان هه‌رێم و شاره‌كانی عێراق و دابه‌زینی نرخی كاڵاو شمه‌كی هاورده‌و هه‌نارده‌ بۆ هه‌ردوولا له‌لایه‌كی تره‌وه‌ یه‌كخستنی پێناسه‌ی گومرگی له‌سه‌رجه‌م ده‌روازه‌سنویه‌كانی عێراق و هه‌رێم ، ئه‌مانه‌ هه‌مووی كاریگه‌ری ته‌وای ده‌بێت له‌ئاڵوگۆڕی بازرگانی وئابوری  له‌نێوان شاره‌كانی عیراق و هه‌رێمی كوردستان كاریگه‌ری باشی ده‌بێت بۆ دابه‌زینی نرخی پێداویستیه‌كانی خه‌ڵك و گه‌رم و گوڕی كڕین و فرۆشتن له‌بازاڕه‌كاندا، هه‌رێمی كوردستان سودێكی باش له‌م گۆڕانكاریانه‌ وه‌رده‌گرێت له‌ بواری كه‌رتی گشتی و كه‌رتی تایبه‌تدا ده‌بَیته‌ هۆكارێكی باش بۆ بوژانه‌وی بازاڕو بازرگانی و ژێرخانی ئابوری .

عبدالله حاجی سعید
یاریده‌ده‌ری سكرتێری گشتی
بۆكاروباری بازرگانی

PUKmedia تایبه‌ت