لەدێبنەی گەرمیان ساڵیادی كارەساتی ئەنفال دەكرێتەوە
جینۆساید 04:16 PM - 2019-02-13.
ئەمڕۆ 13ی شوباتی 2019، بەمەبەستی ئامادەكاری یادی 31 ساڵەی پڕۆسەكانی ئەنفال مەحمود حاجی ساڵح وەزیری كاروباری شەهیدان و ئەنفالكراوان بە یاوەری وەفدێكی هاوڕێی سەردانی گەرمیانی كرد.
لە سەرەتای سەردانەكەیدا وەزیری كاروباری شەهیدان و ئەنفالكراوان لەلایەن بەڕێز سەڵاح كوێخا لێپرسراوی ئیدارەی گەرمیان پێشوازای لێكرا.
وەزیری شەهیدان دواتر بەشداری كۆبوونەوەیەك بوو كە نوێنەری رێكخراوەكانی پرسی ئەنفال لە گەرمیان ئامادەی بوون و مەبەست لێی دانانی بەرنامەی یادی 31 ساڵەی ئەنفال بوو كە بڕیارە رۆژی 2019/4/14 لە گۆڕستانی دێبەنە لە ناحیەی رزگاری بەڕێوەبچێت.
لەسەرەتای كۆبوونەوەكەدا لێپرسراوی ئیدارەی گەرمیان بەخێرهاتنی وەزیری كاروباری شەهیدان و ئەنفالكراوان و ستافی هاوڕێی كردو ئامانجی كۆبوونەوەكەی خستەڕو و رایگەیاند: پێویستە لە ئێستادا كار بۆ پێكهێنانی لیژنەیەكی باڵا بۆ سەرپەرشتی كردنی یادەكە پێكبێت و دواتر كاری لێژنە پسپۆڕەكانی هونەری دەست پێدەكات.
دوای ئەوەی سوپاسی ئیدارەی گەرمیانی كرد بۆ ئەو پێشوازیە، مەحمود حاجی ساڵح وەزیری كاروباری شەهیدان و ئەنفالكراوان ئاماژەی بەوە كرد كە بۆ ئەمساڵ یادی ئەنفال لە گەرمیان دەكرێتەوە.
هەروەك بەرز راگرتنی یادەكانی بۆ هێشتەنەوەی مەرگەساتەكانی گەلەكەمان لەهزری نەوەكان بەگرنگزانی و هیوای خواست لەم بارەیەوە نمونەیەكی جوان پێشكەش بكەین بەتایبەتی نوێنەری وڵاتان و كونسوڵگەرییەكان بانگهێشت بكرێن كە نوێنەرایەتی وڵاتانیان دەكەن.
داوایكرد یادەكە شایستە بەگیانی قوربانیانی مەرگەساتی ئەنفال بێت و هەموو هەوڵەكان بۆ سەرخستنی بەرنامەی یادەكە تەرخان بكرێت و داواكارییەكان لەو كاتەدا تێكەڵ بە یادەكە نەكرێت بەباشیشیزانی بەهاوكاری زانكۆی گەرمیان سمینار و دیبێت ساز بكریت لەو یادەدا.
دواتر نوێنەری رێكخراوەكان چەند بابەتێكیان وەكو داواكاری كەسوكاری شەهیدان و ئەنفالكراوان خستەبەر دەستی وەزیری كاروباری شەهیدان و ئەنفالكراوان و ئەویش وەڵامی پێویستی دانەوەو ئاماژەی بەو كارانە كرد كە بۆ خزمەتی كەسوكاری شەهیدان و ئەنفالكراوان ئەنجامدراوە.
بانگهێشتكردنی نوێنەری وڵاتان و كەسایەتی كەسایەتیە باڵاكانی عیراق و هەرێمی كوردستان بە گرنگ زاندرا.
لە كۆتایی كۆبوونەوەكەدا بڕیار لەسەر پێكهێنانی لیژنەیەكی باڵا لە یەكە ئیدارییەكانی گەرمیان و نوێنەرانی وەزارەتی كاروباری شەهیدان و ئەنفالكراواندرا، تاكو كار بۆ بەرنامەی یادەكە بكەن.
هەر لە درێژەی سەردانەكەیدا وەزیری كاروباری شەهیدان و ئەنفالكراوان بە ئامادەبوونی هەردوو بەڕێوەبەری گشتی كاروباری شەهیدان و ئەنفالكراوانی سلێمانی و گەرمیان لەگەڵ ژمارەیەك لە كەسوكاری شەهیدان و ئەنفالكراوی سنووری گەرمیان كۆبووەو گوێی لە داواكارییەكانیان گرت و پێی راگەیاندن، وەكو وەزارەتی كاروباری شەهیدان و ئەنفالكراوان كاریان لەسەر سەرجەم ئەو داواكاریانە كردوەو زۆری جێبەجێ كراوە ئەوەش جێبەجێ نەكرابێت ئەوە كاری لەسەر دەكەن.
دواتر هەر لە بەڕێوەبەرایەتی گشتی كاروباری شەهیدان و ئەنفالكراوان و لەچوارچێوەی سەردانەكەیدا وەزیری كاروباری شەهیدان و ئەنفالكراوان لەگەڵ بەڕێوەبەر و كارمەندانی بەرێوەبەرایەتی شەهیدانی گەرمیان كۆبوونەوە و گوێی لە داواكاری و پێویستییەكانی گرتن و داوای لێكردن هەموو توانایەكیان تەرخان بكەن بۆ زیاتر خزمەتكردنی كەس وكاری شەهیدان و ئەنفالكراون بەتایبەتی ئەوان لە مەملەكەتی ئەنفالدان و رۆژانە چاویان بە خانەوادەی ئەنفالكراوان دەكەوێ و لە نزیكەوە كەموكوڕییەكانیان دەبینن.
PUKmedia فوئاد عوسمان
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24