ئه‌نجوومه‌نی پارێزگای سلێمانی كۆده‌بێته‌وه‌

.

به‌مه‌به‌ستی ئه‌نجامدانی 52 هه‌مین كۆبوونه‌وه‌ی ئاسایی خۆیان و تاوتوێكردنی چه‌ند پرسێكی گرنگ ئه‌نجوومه‌نی پارێزگای سلێمانی كۆده‌بێته‌وه‌.

ئه‌مڕۆ سێشه‌ممه‌ 12-2-2019، ئه‌نجومه‌نی پارێزگای سلێمانی 52 هه‌مین كۆبوونه‌وه‌ی ئاسایی ئه‌نجام ده‌دات و به‌پێی ئه‌و زانیارییانه‌ی ده‌ست PUKmedia كه‌وتووه‌، بڕیاره‌ له‌ كۆبوونه‌وه‌كه‌دا چه‌ند پرسێك تاوتوێ بكرێت كه‌ گرنگترینیان دیاریكردنی بڕی پاشه‌كه‌وتی موچه‌یه‌ له‌ڕێگه‌ی كارتی بانكییه‌وه‌ كه‌ تێیدا بڕی ئه‌و پاشه‌كه‌وته‌ دیاریبكرێت و له‌ شێوه‌ی پڕۆژه‌یه‌ك بدرێته‌ حكومه‌ت و لایه‌نی په‌یوه‌ندیدار تا كاری له‌سه‌ر بكرێت.

ته‌وه‌رێكی تری كۆبوونه‌وه‌كه‌ش تایبه‌ته‌ به‌ هه‌مواركردنه‌وه‌ی په‌یڕه‌وی ناوخۆی ئه‌نجومه‌ن كه‌ له‌ساڵی 2015 ده‌ركراوه‌، هه‌روه‌ها بڕیاریشه‌ قه‌رزی نیشته‌جێبوونی هاوڵاتییان گفتوگۆی له‌باره‌وه‌ ده‌كرێت.

هه‌ربه‌پێی زانیارییه‌كان به‌شێكی تری كۆبوونه‌وه‌كه‌ باس له‌ جێگیركردنی قائیمقامی رانییه‌ده‌كرێت كه‌ تا ئێستا به‌ وه‌كاله‌ت له‌سه‌ر كاره‌.

PUKmedia تایبه‌ت