كچه‌ 11 ساڵانێكی كورد له‌پیاوێكی 50 ساڵان ماره‌ ده‌كرێت

.

له‌ پارێزگای ئیسلامی رۆژهه‌ڵاتی كوردستان كچێكی ته‌مه‌ن 11 ساڵان له‌ پیاوێكی ته‌مه‌ن 50 ساڵان ماره‌ ده‌كرێت و كاردانه‌وه‌ی زۆر لێده‌كه‌وێته‌وه‌. 

چالاكوانانی تایبه‌ت به‌مافه‌كانی منداڵان، راپۆرتێكیان له‌وباره‌یه‌وه‌ بڵاوكردوه‌ته‌وه‌، تیایدا ئاماژه‌یان به‌وه‌داوه‌:" ره‌های ته‌مه‌ن 11 ساڵان كه‌ خه‌ڵكی ئیلام بووه‌و له‌تاران ژیاون، ده‌گه‌ڕێندرێته‌وه‌ بۆ شاره‌كه‌ی خۆی و له‌وێ له‌پیاوێكی ته‌مه‌ن 50 ساڵان ماره‌ ده‌كرێت.

رونیشكراوه‌ته‌وه‌:" ئه‌و  رووداوه‌ له‌گوندێكی دوره‌ ده‌ستی پارێزگای ئیلام روویداوه‌و پیاوه‌كه‌ هاوسه‌ری هه‌یه‌و خاوه‌نی حه‌وت منداڵیشه‌".

جه‌ختیشكراوه‌ته‌وه‌:" له‌به‌رامبه‌ر ئه‌و كاره‌دا 15 ملیۆن تومه‌نی به‌ باوكی كچه‌كه‌ داوه‌".

له‌لایه‌كی تریشه‌وه‌ دادگای ئیلام باوك و كچه‌كه‌ی خستووه‌ته‌ ژێر چاودێری یاساییه‌وه‌و دۆسیه‌یان له‌دادگا بۆ كراوه‌ته‌وه‌.

PUKmedia ئاماده‌كردن: سامان  یاروه‌یس