سبەینێ ئەنجومەنی پارێزگای سلێمانی کۆدەبێتەوە

.

وابڕیارە سبەینێ ئەنجومەنی پارێزگای سلێمانی کۆببێتەوە چەند پرسێک تاوتوێ بکرێت.

ئازاد حەمەئەمین، سەرۆکی ئەنجومەنی پارێزگای سلێمانی، بە PUKmedia ی ڕاگەیاند: سبەی ١٢-٢-٢٠١٩ ئەنجومەنی پارێزگا کۆدەبێتەوە و لەکۆبوونەوەکەشدا چوار تەوەر تاوتوێ دەکرێت.

وتیشی: یەکەمیان دەنگدانە لەسەر جێگیرکردنی قائیمقامی ڕانیە لە وەکالەتەوە بۆ ھەمیشەیی، دووەمیان دەنگدان بۆ ھەموارکردنەوەی پەیڕەوی ناوخۆی ساڵی (٢٠١٥)ی ئەنجومەنەکە.

ئاماژەی بەوەشکرد: تەوەری سێیەمی کۆبوونەوەکەیان پێشنیارکردنە بە مەبەستی دیاریکردنی بڕی پاشەکەوتکراوی مووچەی مووچەخۆرا، . تەوەری چوارەمیش گفتوگۆ لەبارەی پێشنیارەکانی تایبەت بە قەرزی سندووقی نیشتەجێکردن دەکەن.

PUKmedia تایبەت