كۆمپانیای ئاسیاسێڵ هاووڵاتیان لەمەترسییەك ئاگادار دەكاتەوە

.

كۆمپانیای ئاسیاسێڵ هاوڵاتیان لەمەترسی بەكارهێنانی ئامێرەكانی تەشویش ئاگاداردەكاتەوە كە زیان بە تەندروستیان دەگەیەنێت و داوایان لێدەكات لێی دوور بكەونەوە.

كۆمپانیای ئاسیاسێڵ لەرێگەی كۆنفرانسێكی رۆژنامەوانیەوە كە لەبەغداو لەسەر داوای كۆمسیۆنی راگەیاندن‌و گەیاندن سازدرا، داوای لەهاووڵاتیان  كرد خۆیان بەدووربگرن لەبەكارهێنانی ئامێرەكانی تەشویش و ئەو ئامێرانەی گوایە تۆڕی مۆبایل بەهێزدەكەن لەبەرئەوەی كە زیانی زۆر گەورە بە تەندروستی هاوڵاتیان دەگەیەنێت‌و كاریگەری نەرێنی لەسەر كوالیتی تۆڕەكانی مۆبایل دادەنێت.

ئاسیاسێڵ ئەوەشی راگەیاند، كۆمسیۆنی راگەیاندن و گەیاندن داوایكرد كە رێكاری توند بگیرێتەبەر بۆ سنوور دانان بۆ هاوردەكردنی ئەو جۆرە ئامێرانەو كڕین وفرۆشتن پێیانەوە لە بازاڕەكانی عیراقدا. 

هەروەها كۆمسیۆنی راگەیاندن و گەیاندن راشیگەیاندووە، ژمارەیەك لەو ئامێرانە دەستیانبەسەرداگیراوە، لەبەرئەوەی پابەندی پێوەرە نێودەوڵەتیەكانی سیستمەكانی پەیوەندیكردن نین‌و مەترسی زۆر گەورە بۆ سەر تەندروستی مرۆڤ دروستدەكەن، لەبەرئەوەی ئەو ئامێرانە هەڵدەسن بەگەورەكردنی سیگناڵەكان و كاریگەری خراپیان هەیە لەسەر ئامێری تەكنیكی و پزیشكی لە چەشنی ئامێری رێكخەری لێدانی دڵ‌و ئامێرگەلێكی تر كە بەترپە یان سیگناڵی بێسیم كاردەكەن.

PUKmedia