بەدواداچوون بۆ پرۆژەكانی سلێمانی دەكرێت

.

لیژنەیەكی سەر بە ئەنجومەنی پارێزگای سلێمانی بەدواداچوون بۆ چەند پرۆژەیەكی سنوری شاری سلێمانی دەكات و لەكێشە و گرفتەكانیان دەكۆڵێتەوە.

لەوبارەیەوە رێكەوت زەكی ئەندامی ئەنجومەنی پارێزگای سلێمانی بە PUKmedia ی راگەیاند: ئەمڕۆ وەفدێكی لیژنەی پلان و پرۆژەكانی ئەنجومەنی پارێزگای سلێمانی سەردانی بەڕێوەبەرایەتی گشتی رێگاوبان و ئاوەدانكردنەوە و نیشتەجێكردنی سلێمانیمان كرد بەمەبەستی بەدواداچون بۆ چەند پرۆژەیەك لەسنوری سلێمانی و ئاگاداربوون لەكێشە و گرفتەكانی.

وتیشی:  بەدواداچوونەكانیشمان بریتی بوو لە: 

۱- بەدواداچون بۆ پردی باناڵی لەسنوری قەزای ماوەت كەلەهەفتەی ڕابردوو بەهۆی لافاووە ڕووخاوە.

۲- پڕۆژەی نەخۆشخانەی ۲۹۱ قەرەوێڵەیی لەسنوری ئیدارەی ڕاپەڕین كەبەهۆی چەند كێشەیەكەوە پرۆژەكە وەستاوە.

۳- شوقە ویەكەكانی نیشتەجێبوون لەسیتەك و زڕگوێز كەتائێستا بەردەوام كاری تێدەكرێت.

٤- ڕێگای سلێمانی - كەلار بەتایبەت پردەكان كەمەترسی زۆریان لەسەرە و بەشێكیان رووخاوە.

٥- ڕێگای سیدساق - هەڵەبجەی شهید كەبەردەوام كاری تیادەكەن و بودجەی پێویستی بۆتەرخان كراوە بەڵام تائێستا تەواونەكراوە.

٥- بەدواداچون بۆڕێگای عازەبان - زەنگیان لەناحیەی سیتەك.

٦- بەدواداچون بۆ چەوڕێژكردنی ڕێگای دێلێژە.

رێكەوت زەكی ئاماژەی بەوەشكرد، دواتریش وەفدەكەمان سەردانی ئـەنجومەنی ناوەندی كرد.

PUKmedia  تاژاو محەمەد