وه‌زاره‌تی دارایی له‌باره‌ی لادان و دانانی 100 گرێبه‌ست روونكردنه‌وه‌ ده‌دات

.

نوسینگه‌ی وه‌زیری دارایی حكومه‌تی هه‌رێمی كوردستان ده‌رباره‌ی بڵاوبوونه‌وه‌ی نوسراوێكی سه‌رۆكایه‌تی ئه‌نجومه‌نی وه‌زیران ژماره‌ (6800)له‌ 19/12/2018، تایبه‌ته‌ به‌لادان و دانانی (100) فه‌رمانبه‌ری گرێبه‌ست له‌ به‌ڕێوه‌به‌رایه‌تی شاره‌وانیه‌كانی راپه‌ڕین روونكردنه‌وه‌یه‌ك بڵاوده‌كاته‌وه‌و به‌چه‌ند خاڵێك راستییه‌كان ده‌خاته‌ڕوو، كه‌ بریتییه‌ له‌...

1- دامه‌زراندن ودانانی فه‌رمانبه‌ری گرێبه‌ست له‌ شوێنی فه‌رمانبه‌ری گرێبه‌ست كه‌ واز دێنێت به‌مه‌به‌ستی پركردنه‌وه‌ی شوێنیان، له‌ جیاتی دانانیان بۆده‌كرێت به‌پێ ی رێنماییه‌كان له‌ده‌سه‌ڵاتی سه‌رۆكایه‌تی ئه‌نجومه‌نی وه‌زیرانه‌ به‌پێی پێویست وداواكاری فه‌رمانگه‌كان.
2- رۆژانه‌ چه‌نده‌ها نوسراوی هاوشێوه‌ ئه‌نجام ده‌درێت بۆسه‌رجه‌م وه‌زاره‌ته‌كان وفه‌رمانگه‌كان به‌پێی ره‌زامه‌ندی سه‌رۆكایه‌تی ئه‌نجومه‌نی وه‌زیران جێبه‌جێ ده‌كرێت له‌لایان وه‌زاره‌تمان.
3- هیچ جۆره‌ لادانێكی نایاسایی له‌و نوسراوه‌دا به‌دی ناكه‌ین.
4- له‌به‌ر ئه‌وه‌ی به‌رێوه‌به‌رایه‌تی شاره‌وانی راپه‌رین تازه‌ كراوه‌ته‌وه‌ (استحداپ ) كراوه‌وجیا كراوه‌ته‌وه‌ له‌ به‌رێوه‌به‌رایه‌تی شاره‌وانیه‌كانی سلێمانی بۆیه‌ گواستنه‌وه‌ی میلاكیان بۆ ئه‌نجام دراوه‌.

PUKmedia راگه‌یاندنی نوسینگه‌ی وه‌زیری دارایی وئابووری