گه‌ر هاوسه‌ره‌كه‌ت خۆشی بوێیت ئه‌م كارانه‌ت بۆ ده‌كات

.

زۆرێك له‌ ژنان گومانیان له‌ خۆشه‌ویستی هاوسه‌ره‌كانیان هه‌یه‌، كه‌ ئایا به‌ راستی خۆشی ده‌وێت یان نا، بۆ ئه‌مه‌ش به‌رده‌وام پرسیاری له‌خۆی ده‌كات، بۆ ئه‌وه‌ی بزانیت هاوسه‌ره‌كه‌ت به‌ ڕاستی خۆشی ده‌وێیت؟، ئه‌وا چه‌ند كارێكت بۆ ئه‌نجام ده‌دات، كه‌ ئه‌مانه‌ن:

كاری باش ئه‌نجام ده‌دات:

ئه‌گه‌ر هاوسه‌ره‌كه‌ت  وتی تۆم خۆش ده‌وێت، گه‌ر به‌راستی بوو، ئه‌وا هه‌موو كارێكی باش ده‌كات، بۆ ئه‌وه‌ی دڵخۆشت بكات،ئه‌مه‌ش به‌ڵگه‌یه‌ له‌سه‌ر ئه‌وه‌ی تۆی زۆر خۆش ده‌وێت.

سوره‌ هه‌میشه‌ په‌یوه‌ندیت پێوه‌ بكات:

گه‌ر پیاوێك هاوسه‌ره‌كه‌ی به‌ رشاستی خۆش بوێت، ئه‌وا سه‌رباری سه‌رقاڵی و ڕایی كردنی كاره‌كانی، به‌رده‌وام په‌یوه‌ندی به‌ هاوسه‌ره‌كه‌یه‌وه‌ ده‌كات و سوره‌ له‌سه‌ر ئه‌وه‌ی هه‌واڵی بزانێت.

دڵسۆزه‌ بۆت:

خۆشه‌ویستی راسته‌قینه‌ ئه‌وه‌یه‌ كه‌ ته‌نها خۆشه‌ویسته‌كه‌ی خۆی ببینێت،بۆیه‌ گه‌ر پیاوێك هاوسه‌ره‌كه‌ی خۆی خۆش بوێت، ئه‌وا نرخی ته‌واوی پێده‌دات و دڵسۆزی خۆی بۆ نیشان ده‌دات، هه‌روه‌ها هه‌رگیز خیانه‌تی لێناكات و شتێكیش ناكات كه‌ هه‌ستی بریندار ببێت.

غیره‌ت لێده‌كات:

غیره‌ كردن له‌ ئاستێكی دیاری كراودا، به‌ڵگه‌ی خۆشه‌ویستیه‌ بۆیه‌ كاتێك غیره‌ت لێده‌كات، ئه‌وا چێژی لێببینه‌وه‌ و قبوڵی بكه‌، هه‌روه‌ها بزانه‌ كه‌ له‌ دڵه‌وه‌ خۆشی ده‌وێیت، به‌ڵام پێویسته‌ جیاوازیش بكه‌یت له‌ نێوان غیره‌ و دڵپیسی كه‌ دوو شتی جیاوازن، له‌و خاڵه‌دا ئاگاداربه‌!

ترسی هه‌یه‌:

پیاو كه‌ هاوسه‌ره‌كه‌ی خۆش بوێت، ئه‌وا ترسی له‌ چه‌ند شتێك هه‌یه‌، له‌وانه‌ به‌رده‌وام بیر له‌ ته‌ندروستی خێزانه‌كه‌ی ده‌كاته‌وه‌، هه‌روه‌ها له‌و كارانه‌ ده‌یپارێزێت كه‌ ده‌بێـه‌ هۆی بێزاری و دڵه‌ڕاوكێی هاوسه‌ره‌كه‌ی.

كه‌رامه‌تی ده‌پارێزیت:

پاراستنی كه‌رامه‌ت و رێزی ژنه‌كه‌، هێمای خۆشویستی پیاوه‌كه‌یه‌تی، بۆیه‌ پیاوێك گه‌ر ژنه‌كه‌ی خۆش بوێت، هه‌رگیز بێ ڕێزی پێناكات و ڕێز له‌ هه‌موو ئه‌وانه‌ش ده‌گرێت كه‌ هاوسه‌ره‌كه‌ی پێیخۆشه‌.

PUKmedia و/گۆران قادر

سه‌رچاوه‌: مجله‌ هی