ڕه‌وتی حیكمه‌: په‌یوه‌ندییه‌كانمان له‌گه‌ڵ یه‌كێتی به‌هێز ده‌كه‌ین

.

سه‌رله‌به‌یانی ئه‌مڕۆ یه‌كشه‌ممه‌ 10-2-2019 عومه‌ر فه‌تاح كارگێڕی مه‌كته‌بی سیاسی پێشوازیكرد له‌ عه‌بدولڵا زه‌یدی سه‌ركرده‌ له‌ ڕه‌وتی حیكمه‌ی نیشتمانییء وه‌فدێكی هاوڕێی.

له‌ دیدارێكی دۆستانه‌دا،  بارودۆخی سیاسی عیراق و كوردستان و په‌یوه‌ندی دۆستانه‌ی یه‌كێتی و ڕه‌وتی حیكمه‌ی نیشتمانیی تاوتوێكران.

عومه‌ر فه‌تاح ئاماژه‌ی به‌ په‌یوه‌ندی له‌ مێژینه‌ی یه‌كێتی و سه‌ید عه‌ممار حه‌كیم كرد و رایگه‌یاند په‌یوه‌ندییه‌كی مێژوویی پڕ له‌ دۆستایه‌تی و هه‌ماهه‌نگی و خه‌باتی هاوبه‌ش دژی سته‌م له‌نێوان سه‌رۆك مام جه‌لال و یه‌كێتی له‌گه‌ڵ سه‌ید عه‌ممار حه‌كیم و بنه‌ماڵه‌ به‌رێزه‌كه‌یدا هه‌یه‌.

هه‌روه‌ك سڵاو و ریزی بۆ سه‌ید عه‌ممار حه‌كیم و سه‌ركردایه‌تی ڕه‌وتی حیكمه‌ نارد و جه‌ختیشی كرده‌وه‌و له‌ په‌ره‌پێدانی زیاتری په‌یوه‌ندیی نێوان هه‌ردوولا.
لای خۆییه‌وه‌، عه‌بدوللا زه‌یدی دید و بۆچوونی ڕه‌وتی حیكمه‌ و هاوپه‌یمانێتی (ئیسلاح) له‌باره‌ی پرسه‌ سیاسیه‌كانی عیراق خسته‌روو، په‌یوه‌ندی له‌مێژینه‌ی یه‌كێتی و سه‌ید حه‌كیمی به‌گرنگ ناوبرد و هیوای خواست له‌هه‌موو بواره‌كاندا په‌ره‌ی زیاتری پێ بدرێت.

PUKmedia