قوباد تاڵه‌بانی: له‌ده‌ستدانی مامۆستا محه‌مه‌د جێگه‌ی ئه‌سه‌فه‌

.

بۆبۆنه‌ی كۆچی دوایی مامۆستا شێخ محه‌مه‌د عه‌لی نوره‌دین جه‌لیزاده‌-وه‌ قوباد تاڵه‌بانی جێگری سه‌رۆكی حكومه‌تی هه‌رێم، پرسه‌نامه‌یه‌ك ئاڕاسته‌ی كه‌سوكاری كۆچكردوو ده‌كات و رایده‌گه‌یه‌نێت،  مامۆستا شێخ محه‌مه‌د كه‌سایه‌تییه‌كی دیار و رۆشنبیری شاری كۆیه‌ بووه‌ و له‌گه‌ڵ بنه‌ماڵه‌كه‌ی خزمه‌تێكی زۆریان كردووه‌.

ده‌قی پرسه‌نامه‌كه‌...
به‌ڕێزان كه‌سوكاری خوالێخۆشبوو مامۆستا شێخ محه‌مه‌د عه‌لی نوره‌دین جه‌لیزاده‌
به‌داخ و په‌ژاره‌یه‌كی زۆره‌وه‌، هه‌واڵی كۆچی دوایی مامۆستا شێخ محه‌مه‌د عه‌لی نوره‌دین جه‌لیزاده‌ -مان پێگه‌یشت، به‌م بۆنه‌ غه‌مناكه‌وه‌ پرسه‌ و سه‌ره‌خۆشی خۆمان ئاڕاسته‌ بنه‌ماڵه‌ تێكۆشه‌ره‌كه‌ی و هاوڕێیانی ده‌كه‌ین و به‌شداری غه‌م و په‌ژاره‌تانین.
خوالێخۆشبوو مامۆستا شێخ محه‌مه‌د كه‌سایه‌تییه‌كی دیار و رۆشنبیری شاری كۆیه‌-یه‌ وله‌گه‌ڵ بنه‌ماڵه‌كه‌ی خزمه‌تێكی زۆریان له‌بواره‌كانی سیاسی و رۆناكبیری و كۆمه‌ڵایه‌تی كردووه‌،  له‌ده‌ستدانی جێگه‌ی ئه‌سه‌فه‌. له‌په‌روه‌ردگاری مه‌زنمان داوایه‌ گیانی خوالێخۆشبوو به‌ به‌هه‌شتی به‌رینی شاد بكات، سه‌بوری و دڵنه‌واییش به‌ خانه‌واده‌و خزمان و دۆستانی كۆچكردوو ببه‌خشێت، ئومێده‌وارین ئه‌مه‌ دواناخۆشیتان بێت.

انا لله‌ و انا الیه‌ راجعون

قوباد تاڵه‌بانی
جێگری سه‌رۆك وه‌زیران
10ی شوباتی2019

PUKmedia