ئینكا سه‌ردانی كوردستان ده‌كات

.

بڕیاره‌ هونه‌رمه‌ندی ئه‌لبانی ئینكا به‌بۆنه‌ی جه‌ژنی نه‌ورۆزه‌وه‌ بێته‌ هه‌رێمی كوردستان و ئاهه‌نگێك ساز بكات.

ئینكا له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی سناپ چات به‌ هه‌ردوو زمانی كوردی و ئینگلیزی نوسیوێتی، سڵاو كوردستان چاوه‌ڕوانبن له‌ نه‌ورۆزی ئه‌مساڵدا له‌ كوردستان به‌یه‌كه‌وه‌ ده‌بین.

ئه‌مه‌ له‌ كاتێكدایه‌ پێشتریش چه‌ند جارێك به‌زمانی كوردی قسه‌ی كردووه‌ و له‌ هه‌ژماره‌ تایبه‌تییه‌كانی له‌ تۆڕه‌كۆمه‌ڵایه‌تییه‌كان زۆرترین هه‌واداری كوردی هه‌یه‌.

ئینكا له‌ساڵی 1995 له‌ ئه‌لبانیا له‌دایك بووه‌ و له‌ 2012 ه‌وه‌ ده‌ستی به‌ گۆرانی وتن كردووه‌، به‌ڵام له‌ ساڵی 2014 ه‌وه‌ به‌هۆی ئه‌وه‌ی له‌ماوه‌تی 24سه‌عاتدا، 100 هه‌زار بینه‌ری كۆكرده‌وه‌ ناوبانگی زیاتری ده‌ركرد.


PUKmedia تایبه‌ت