هه‌ولێر.. هاووڵاتییه‌ك كوژرا

.

هاووڵاتییه‌كی ته‌مه‌ن 50 ساڵ له‌ هه‌ولێر كوژراو وته‌بێژی پۆلیسی هه‌ولێریش رایده‌گه‌یه‌نێت، لێكۆڵینه‌وه‌ له‌ رووداوه‌كه‌ ده‌ستی پێكردووه‌.

له‌وباره‌یه‌وه‌ هۆگر عه‌زیز وته‌بێژی به‌ڕێوه‌به‌رایه‌تی پۆلیسی هه‌ولێر تایبه‌ت به‌ PUKmedia ی راگه‌یاند: شه‌وی رابردوو هاووڵاتییه‌كی ته‌مه‌ن 50 ساڵ له‌گه‌ڕه‌كی نه‌ورۆزی شاری هه‌ولێر له‌ نزیك ماڵه‌كه‌ی خۆی كوژراوه‌.

وتیشی: له‌ ئێستادا هۆكاری رووداوه‌كه‌ نه‌زانراوه‌، به‌ڵام لێكۆڵینه‌وه‌ له‌ رووداوه‌كه‌ ده‌ستیپێكردووه‌.

هۆگر عه‌زیز راشیگه‌یاند: بكوژه‌كه‌ هه‌ڵهاتووه‌ و تا ئێستاش هیچ كه‌سێك له‌سه‌ر رووداوه‌كه‌ ده‌ستگیر نه‌كراوه‌.

PUKmedia ژینه‌ر محه‌مه‌د