ئیداره‌ی گه‌رمیان سه‌باره‌ت به‌و تۆمه‌تانه‌ی له‌سه‌ر پارچه‌یه‌ك زه‌وی له‌ ناوچه‌ی گوندی به‌رلوتی خراوه‌ته‌ پاڵ روونكردنه‌وه‌یه‌كی بڵاوكرده‌وه‌.

ده‌قی روونكرده‌وه‌:"

پاش بڵاو بونه‌وه‌ی ده‌نگۆی زیاده‌ڕه‌وی كردن بۆسه‌ر موڵكی گشتی

(پارچه‌ زه‌وییه‌ك له‌ گوندی به‌رلوت) 

ده‌ست به‌جێ ئیداره‌ی گه‌رمیان وه‌كو به‌رپرسیارییه‌تی ئه‌خلاقی و یاسایی خۆی ،لایه‌نه‌په‌یوه‌ندیداره‌كانی ڕاسپارد كه‌ به‌زویی به‌دواداچون بۆ ئه‌وبابه‌ته‌ بكه‌ن و ڕونكردنه‌وه‌ بڵاوبكه‌نه‌وه‌ له‌به‌رئه‌وه‌ی حكومه‌تی ھه‌رێمی كوردستان ده‌زگاو دامه‌زراوه‌ی تایبه‌تی ھه‌یه‌ بۆ یه‌كلایی كردنه‌وه‌ی كۆی گرفته‌كانھه‌ربۆیه‌ وه‌ك ھه‌میشه‌ ئیداره‌ی گه‌رمیان پرۆسه‌ی یاسایی بون و نه‌بونی ھیچ جۆره‌كارێكیشی نه‌به‌ستۆته‌وه‌ به‌ میزاجی شه‌خسی و موزایه‌داتی سیاسیه‌وه‌.

ڕونكردنه‌وه‌كه‌ی قائیمقامیه‌تی قه‌زای كه‌لارو كشتوكاڵی گه‌رمیان و شوێنه‌واری گه‌رمیانیش كه‌ھه‌رله‌ڕێگه‌ی سایتی ئیداره‌ی گه‌رمیانه‌وه‌ بڵاوكرایه‌وه‌ ھیچ ته‌بریرێكیان نه‌ھێشته‌وه‌ بۆ ھیچ كه‌س و لایه‌نێك و ئیداره‌ی گه‌رمیانیش وه‌كو چوارچێوه‌یه‌كی یاسایی ته‌ماشای ڕونكردنه‌وه‌كه‌ ده‌كات.

ھاوكات لێره‌وه‌ ڕایده‌گه‌یه‌نین ھه‌ر ھاووڵاتیه‌ك واده‌زانێت مافی پێشێل ده‌كرێت و كاره‌كانی به‌باشی بۆ ڕایی ناكرێت  و  جیاوازی ده‌كرێت له‌نێوان ھه‌رچین و توێژێكداده‌توانێت سه‌ردانی ئیداره‌ی گه‌رمیان بكات بۆ به‌دواداچوونی جددی و یه‌كلایی كردنه‌وه‌ی كێشه‌كه‌ی

ڕاگه‌یاندن و په‌یوه‌ندییه‌كانی ئیداره‌ی گه‌رمیان

٨ی شوباتی ٢٠١٩

PUKmedia