ئه‌مریكا كاتی كشانه‌وه‌ی هێزه‌كانی له‌ سوریا ئاشكراده‌كات

.

ئه‌مریكا ئاماده‌كاری كردووه‌ تاوه‌كو له‌ كۆتایی مانگی نیسانی ئه‌مساڵ  سه‌رجه‌م هێزه‌كانی له‌ سوریا بكشێنێته‌وه‌.

رۆژنامه‌ی وۆڵستریت جۆرناڵی ئه‌مریكی له‌نوێترین راپۆرتیدا ئه‌وه‌ی ئاشكرایكردووه‌، ئه‌مریكا له‌ ناوه‌ڕاستی مانگی ئادار ده‌ست به‌ كشانه‌وه‌ی هێزه‌كانی له‌ سوریا ده‌كات، تاوه‌كو كۆتایی مانگی نیسانیش ته‌واوی هێزه‌كانی له‌ سوریا ده‌كشێنێته‌وه‌.

ئه‌مریكا نزیكه‌ی دوو هه‌زار سه‌ربازی له‌ سوریا هه‌یه‌، دۆناڵد تره‌مپ سه‌رۆكی ئه‌مریكا له‌ كۆتاییه‌كانی ساڵی رابردو بڕیاری كشانه‌وه‌ی هێزه‌كانی وڵاته‌كه‌ی له‌ سوریا داو ئه‌و بڕیاره‌شه‌ كاردانه‌وه‌ی له‌ ناوخۆو ده‌ره‌وه‌ی ئه‌مریكا لێكه‌وته‌وه‌.

PUKmedia ئاژانسه‌كان