توخوا ببورن

.

توخوا ببورن

× ببوره‌ خاڵه‌ گالیلۆ، زه‌وى به‌ ده‌ورى پاره‌دا ئه‌سوڕێته‌وه‌ نه‌ك به‌ ده‌ورى خۆردا.
× ببوره‌ هه‌ڤاڵ فۆكۆیاما، ئه‌وه‌ مێژووه‌كه‌ى ئێوه‌یه‌ كۆتایى هاتووه‌، مێژووه‌كه‌ى ئێمه‌ به‌ره‌و دواوه‌ ئه‌گه‌ڕێته‌وه‌.
× ببوره‌ كاك ئه‌نیشتاین، باوكى جه‌نابیشت ناتوانێ له‌ فولكه‌كه‌ى ته‌نیشت شارى سپى تێبگات.
× له‌گه‌ڵ رێزمدا بۆ تیۆریه‌كه‌ى جه‌نابت مامۆستا نیوتن، گه‌وره‌ بچووك راناكێشێت، به‌ڵكو ئه‌وه‌ بچووكه‌كانن گه‌وره‌كانیان گیرۆده‌ كردووه‌.
× ببوره‌ حه‌زره‌تى مه‌حوى، به‌رقمان نى یه‌ بیگرینه‌ ئه‌وانه‌ى به‌ردمان تێ ئه‌گرن.
× ببوره‌ ئه‌دیسۆنى به‌ڕێز، كاره‌با عیلاجى تاریكى ناكات به‌ڵكو شێخى كوردى نه‌هێشتووه‌.
× ببوره‌ ئاده‌م سمیس، ئێستا بازاڕ خۆى چاك ناكات، ئه‌خلاقى كاسبكاران تێك ئه‌دات.
× ببوره‌ گاریباڵدى، هه‌زارى وه‌كو جه‌نابت ناتوانێ ئه‌م كورده‌ بكات به‌ نه‌ته‌وه‌.
× ببوره‌ فه‌خامه‌تى داروین، ئایا مه‌سئوله‌كان ئه‌خرێنه‌ خانه‌ى شیرده‌رانه‌وه‌؟
× ببوره‌ (گۆران)ى لوتكه‌، دۆڵاودۆڵ ناتوانى بڕۆى، هه‌مووى ته‌لبه‌ندى باخى مه‌سئووله‌كانه‌.