بافڵ تاڵەبانی: سەردەمی پاشكۆیەتی تەواو بوو، لەسەر پارێزگاری كەركوكیش سازش ناكەین
ی.ن.ک 04:39 PM - 2019-01-23.
ئەنجومەنی ناوەندی یەكێتیی نیشتمانیی كوردستان بەمیوانداری بافڵ تاڵەبانی كۆبوەوە بۆ تاوتوێكردنی دواهەنگاوەكانی پێكهێنای حكومەتی هەرێم و پرسی كەركوك و پەیوەندی هەولێرو بەغدا.
زوبێر عوسمان جێگری سكرتێری ئەنجومەنی ناوەندی راپۆرتێكی سیاسی، گشتی لەبارەی كۆی پرسەكان پێشكەشكردو دیدگای ئەنجومەنی ناوەندی لە هەموو روەیەكەوە خستەڕوو كە سیاسەتی حەكیمانەی رابەرمان سەرۆك مام جەلال-ە بۆ كۆی پرسەكان.
كارو چالاكییەكانی سكرتارییەت و كۆمسیۆنەكان و لیژنەكانی ئەنجومەنی ناوەندی ئاشكراكرد كە لەسەر بڕیاری كۆبونەوەی فراوانی ئەنجومەنی ناوەندی راپۆرتێكی گشتگیر لەسەر كەركوك و ناوچە دابڕێنراوەكان لە موسڵ و شەنگال و مەخمورە بۆ دووز خورماتوو هەتا خانەقین لەسەر رۆشنایی ئەو ئامار و داتا و ئەنجام و راسپاردانە ئامادە كردوەو لەكۆبوونەوەی فراواندا گفتوگۆی لەبارەوە دەكرێ و پاش پەسەندكردنی ئاڕاستەی مەكتەبی سیاسی و لایەنە پەیوەندیدارەكان دەكرێت.
وتیشی: ئەنجومەنەكەی مام لەسەر سیاسەتی چەپكە گوڵەكە بەردەوامەو لەسەر هەموو پرسە گرنگ و چارەنوسازەكان رۆڵ و هەڵوێستی دەبێت.
بافڵ تاڵەبانی: مەرجی گفتوگۆكانمان بۆ پێكهێنانی حكومەت رێكەوتنی سیاسی و چاكسازی ریشەییە
دواتر بافڵ تاڵەبانی لەسەر ئاستی هەرێم، عیراق، ناوچەكە خوێندنەوەی بۆ ستراتیژو سیاسەتی بڕیار لێدراوی نیشتمانی و راست و دروستی یەكێتی كردو وتی: بۆ هەرێم یەكێتی لە پۆست و دەستكەوتی حزبی گرنگتر رێكەوتنی سیاسییە لە سەر شێوازی بەڕێوەبردن و حكومڕانی و سیاسەتی هەرێمی كردۆتە مەرج، چونكە پێمانوایە كاتی گۆڕانكاری ریشەیی هاتووە لەكۆی جومگەكان و چاكسازی لە ئیدارەدان و ژیان و گوزەرانی خەڵك و بەهێزتركردنەوە ئابوری هەرێم و یەكخستنەوە ماڵی كورد، كە ئەمەش تەنها دروشم و قسەنەبێت لە واقیعدا بەرجەستەی بكەین، بۆیە دڵنیابن بۆ وڵاتانی دونیای دەرەوەو وڵاتانی زلهێزی جیهان و ناوچەكەش دەركەوت یەكێتی لە دوو ساڵی رابردوو لەسەر كۆی پرسەكان، سیاسەتی حەكیمانەو واقیعی پەیڕەوكردووە، بۆیە ئەمڕۆش پێشنیارو بڕیارەكانمان لەسەر ئاستی ناوخۆیی و عیراق و ناوچەكە گوێلێگیراو و سەرچاوەی بڕیارە ستراتیژییەكانە.
وتیشی: لەبەر ئەوە خەمی ئێمە خەمی هەرێمێكی هاووڵاتی بوونە كە یاساو دادگاكان لەسەروو هەموانەوە بێت و عەدالەتی كۆمەڵایەتی بچەسپێنین كە بە دڵنیاوە ئەو ئاواتە بەپشتیوانی دڵسۆزان و سەركردە نیشتیمانییەكانمان و كۆمەڵانی خەڵك و خاوەن بیرو رۆشنبیرو رۆشنفكرە دڵسۆزەكانمان بەدیدێنین، بۆ ئەوەش رێكەوتنی سیاسی لەگەڵ هەموو هێزەكان دەكەین و تاكە مەرجمانە بۆ گفتوگۆكانمان لەبارەی پێكهێنانی حكومەتی نوێی هەرێم.
رونیشیكردەوە: نوێنەرەكانی یەكێتی لەسەر ئاستی عیراق و هەرێم لەهەوڵی جێبەجێكردنی چەند پرۆژەیەكی ستراتیژین بۆ بوژاندنەوەی ژێرخانی زیاتر ئابوری هەرێم.
بافڵ تاڵەبانی: سازش لەسەر پارێزگاری كەركوك ناكەین
سەبارەت بەكەركوك، بافڵ تاڵەبانی راشكاوانە هەڵوێستی نەگۆڕی یەكێتی تەئكیدكردەوەو وتی: كەركوك قودسی كوردستانە، یەكێتی چۆن لەڕابردو و ئەمڕۆ كەركوكی جێنەهێشت، بۆ بەیانی و داهاتووش هەر لە شارەكەی خۆمان دەمێنینەوە ئەوە وەسێت و خەونی هەڤاڵ مام جەلال بووەو پەیڕەوی دەكەین و دەیهێنینەدی.
راشیگەیاند: لەسەر پرسی پارێزگارو مافەكانیشمان هیچ تەنازولێ ناكرێت و نەشمانكردوە، چونكە كەركوك شاری پێكەوە ژیان و هەموو پێكهاتەكانە، بەڵام دڵنیابن پۆستی پارێزگار بۆ كورد دەبێت و یەكێتیش دەبێت، ئەوە قابیلی هیچ جۆرە گفتوگۆ و سازشێك نیە، ئەوە كۆتایی پێهاتووە كەركوك شاری یەكێتییە كە ئەمەش لەپێناو ئاسایكردنەوەی دۆخی شارەكەو بوژاندنەوە گیانی برایەتییە لەنێوان كوردو برایانی عەرەبی رەسەن و توركمان و پێكهاتەكانی ترە كە بۆ هەموولایەك ئەوە رونبۆتەوە.
بافڵ تاڵەبانی ئەو كۆبونەوەی قۆستەوەو رووی دەمیكردە كەركوكییەكان و داوایكرد چیتر گوێنەدەنە پەیامی ژەهراوی هەندێ راگەیاندنی بارگاوی بوون كە بەئەجێندایەكی دژی مافی كورد دەیانەوێت دۆخی كەركوك زیاتر تێكبدەن، بۆیە بیان سڕنەوەو ئێوەی دڵسۆز لەگەڵمان بن و هاوكارمان بن بۆ تەواوكردنی هەوڵەكانمان كە ئەوەنە نابات دۆخێكی تر دێتە پێشەوەو بەدڵی هەمووان دەبێت
وتشی: دەیڵێمەوە یەكێتی و كەركوك بێیەك هەڵناكەن و هەتا یەكێتیەكی رەسەن مابێت دەست لە كەركوك هەڵناگیرێت و كەركوك یەكێتی دەبێت.
بافڵ تاڵەبانی : سەردەمی پاشكۆیەتی تەواو بوو
یەكێتی یەك بڕیاری هەیەو كۆنگرەی نوێبونەوەش دەبەستین و دەبینەوە بەخزمەتكاری راستەقینەی خەڵك و قبوڵی ناكەین لەمەودوا بە هیچ پاساوێك ئەندام و كادری یەكێتی دەسبەسەربكەێت و سوكایەتی پێبكرێت.
یەكێتی ناو یەكێتی و كاری رێكخراوەیی و بەستنی كۆنگرە تەوەرێكی دیكەی قسەكانی بافڵ تاڵەبانی بوو،رایگەیاند: یەكێتی ئێستا یەك بڕیاری سیاسی هەیە بۆ كۆی پرسەكان و هەر بڕیارێكیش كە دەیدات بڕیاری نیشتمانی و رەنگدانەوەی داخوازی خەڵك دەبێت، بەرنامەیەكیش جێبەجێدەكەین بۆ رێكخستنەوەی تەواوی كاروباری رێكخراوەیی و پاداشت و سزا دەكەینە پێوەری كارەكانمان و چیتر یەكێتی پاشكۆی هیچ حزبێك نییە و خاوەنی بڕیاری راست و دروستی خۆی دەبێت و ئەو سەردەمەش تەواو بوو یەكێتی پاشكۆیەتی و پەراوێزی قبوڵ بكات.
راشیگەیاند: كۆنگرەی نوێبوونەوەو بوژاندنەوەی گیانی یەكێتی بوون دەبەستین و كۆنگرەش نابێتە سەكۆی دژایەتی و سڕینەوەی هیچ كەسێك، بەڵكو وێستگەی گۆڕانكاری و هێنانە پێشەوەی هێزو توانای نوێ دەبێت و یەكێتیش دەبێتەوە خزمەتكاری راستەقینەی خەڵك، هەموو پشتیوانی و هاوكارییەكی دوپاتكردەوە بۆ هەڤاڵانی سكرتارییەت و ئەندامانی ئەنجومەنی ناوەند كە دڵسۆزانە وەك پەرلەمانی حزب كاریانكردوەو ستایشی رۆڵیانی كرد لە ئاڕاستەكردنی سیاسەتی راست و دروستی یەكێتی.
بافڵ تاڵەبانی: كۆتایی بەبڕیاری تاك لایەنانە هاتووە
لەبارەی بەغداد و پێشهاتەكانی ناوچەكەو سیاسەتی گۆڕاوی نێودەوڵەتی بەرامبەر رۆژهەڵاتی ناوەڕاست، بافڵ تاڵەبانی هەڵوێستەی كردو وتی: یەكێتی سیاسەتێكی هاوسەنگ و واقیعی پەیڕەو دەكات كە بەقازانج و زیاتر بەهێتركردنی پێگەكەمان بشكێتەوە لەكۆی گۆڕانكارییەكانیش وەك كورد براوەبین ، بۆ ئەوەش كاردەكەین بۆ یەكخستنەوەی ماڵی كوردو یەكخستنی پەیامی نیشتیمان، چونكە لەمەودوا هەربڕیارێك دەدرێت پەیوەندی بە بەرژەوەندی باڵای گەلەكەمانەوە هەبێت، دەبێت بڕیاری نیشتمانی بێت و كۆدەنگی هەموولایەكی لەسەر بێت و قۆناغی بڕیاری تاك لایەنانە بەسەرچوو، هەموانیش پشتگیری نوێنەرەكانمان بكەین لە بەغداو كارەكانمان لە پێناو هەرێمێكی بەهێزتربێت.
وتیشی: با هەموو دەنگ و رەنگە جیاوازەكان پشتگیری لە دكتۆر بەرهەم ئەحمەد ساڵح سەرۆك كۆماری عیراق بكەین و پشتیوانی بین لە سەرخستنی هەوڵەكانی بۆ چارەسەركردنی كێشەكانی هەرێم و عیراق و خزمەتكردنی زیاتر هەرێم، چونكە ئێستا نوێنەری هەمومانە لە بەغداو پێكەوە لایەنە سیاسیە كوردییەكان پرۆژەمان هەبێت بۆی و نەبینە ئاستەنگ لەبەردەمی و دور لە ئینتمای سیاسی و بیركردنەوەی حزبی لەگەڵی بین لەپێناو بەدەسیهێنانی مافەكانی گەلی كورد .
تەوەرێكی دیكەی كۆبونەوەكە تەرخان كرا بۆ گفتوگۆی بەرپرسیارانەی هەڤاڵانی ئەنجومەنی ناوەندی كە راشكاوانە لە پەرۆشیان بۆ یەكێتی ناو یەكێتی و هەرێمێكی بەهێزترو یەكڕیزی نیشتمانی و بەستنی كۆنگرەی نوێبونەوە چەندین بۆچوون و ئارا خرانەڕوو.
PUKmedia
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24